దాడుల సంస్కృతిని ప్రోత్సహించ వద్దు

శావల్యాపురం మండలంలోని కారుమంచి గ్రామంలో తెలుగుదేశం పార్టీ చేసిన దాడిలో గాయపడిన వైసిపి కార్యకర్తలను వినుకొండ ప్రభుత్వ ఆసుపత్రి నందు వినుకొండ నియోజకవర్గ శాసనసభ్యులు బొల్లా బ్రహ్మనాయుడుతో నరసరావుపేట నియోజకవర్గ శాసనసభ్యులు గోపిరెడ్డి శ్రీనివాసరెడ్డి పరామర్శించారు. ఈ సందర్భంగా వారు మాట్లాడుతూ కారుమంచి గ్రామంలో వైసీపీ నాయకులు, వారి కుటుంబసభ్యులే లక్ష్యంగా కిటికీలు పగలకొట్టి ఒంటరిగా ఉన్న మహిళను బెదిరించారు, నాయకులపై దాడులకు పాల్పడటం సిగ్గుచేటన్నారు. జిల్లా మొత్తం మీద ఇలా గ్రామ స్థాయిలో గొడవలు జరిగే ఏకైక నియోజకవర్గం వినుకొండ అని మాట్లాడుతున్న నక్కా ఆనందబాబు ఆ గొడవలకు కారణం తెలుగుదేశం పార్టీ నాయకులే అని గమనించాలన్నారు.

•కారుమంచి గ్రామంలో ఎన్టీఆర్ విగ్రహాన్ని ద్వంసం చేశారు అని అసత్యాలు మాట్లాడటం నక్కా ఆనందబాబు గారికి తగదు. వాస్తవాలు తెలుసుకోకుండా జిత్తులమారి మాటలు మాట్లాడటం సమంజసం కాదు.

•నియోజకవర్గంలో జి వి ఆంజనేయులుని ఎదుర్కొనే శక్తి నాకు లేదనడం హాస్యాస్పదంగా ఉంది, గత ఎన్నికల్లో నా శక్తి ఏంటో జివి ఆంజనేయులు గారికి పూర్తిగా అర్ధం అయింది, ఎవరి దెబ్బకి ఎవరు హడలేత్తుతున్నారో ప్రజలందరూ గమనిస్తున్నారు.

•మీ పార్టీ అధినేత చంద్రబాబు నాయుడు గారి ప్లాన్ ని ఇక్కడ మీ తెలుగుదేశం పార్టీ నాయకులు తూచా తప్పకుండా పాటిస్తూ గ్రామాలలో అలజడులు సృష్టించడానికి ప్రయత్నం చేస్తున్నారు, వీరి కుట్రలకు లోను కాకుండా ప్రజలందరూ సహనం పాటించి, గ్రామాలను ప్రశాంతంగా ఉంచుకోవాల్సిన అవసరం ఏర్పడింది.

•శావల్యాపురం ZPTC ఎలక్షన్లో నేను ఓడిపోయినపుడు వైయస్ జగన్మోహన్ రెడ్డి గారు నన్ను ఏదో అన్నారని చెబుతున్నావు, అలా అయితే వినుకొండ మున్సిపాలిటీ, 4 జడ్పిటీసిలు, 5 మండలాల ఎంపిపి లు, 90 కి పైగా సర్పంచ్లు మేము గెలుచుకున్నప్పుడు, తెలుగుదేశం పార్టీ ఇన్ని సార్లు ఓడిపోయినప్పుడు మీ తెలుగుదేశం పార్టీ అధ్యక్షుడు చంద్రబాబు నాయుడు నీకు ఏమైనా మెడల్స్ ఇచ్చాడా.

•మాజీ ముఖ్య మంత్రి చంద్రబాబు నాయుడు గారు, జివి ఆంజనేయులు చేత కానీ తనంతో ఎన్నికల్లో ఓడిపోవడాన్ని ప్రతి సారి నిలదీస్తున్నాడు కాబట్టే ఆంజనేయులు గ్రామాల్లో గొడవలతో అలజడులు సృష్టించడానికి ప్రయత్నం చేస్తున్నావు.

ఒక్క కారుమంచే కాకుండా నియోజకవర్గ అన్ని గ్రామాలలో అలజడులు సృష్టించాలని నువ్వు చేస్తున్న ప్రయత్నాలు మాకు తెలుస్తూనే ఉన్నాయి, నీ ప్రయత్నాలను ఎక్కడ సఫలం కానివ్వను.