పార్టీ కార్యకర్తలకు ఉద్యోగాలు ఇవ్వడం రాజ్యాంగ వ్యతిరేకం
Andhra Pradesh Telugu | Suryaa Desk | Published : Sat, Apr 09, 2022, 12:47 PM
రాజకీయ అవసరాల కోసం రాష్ట్రంలో విశ్వవిద్యాలయాలను దుర్వినియోగం చేస్తున్నారంటూ యూనివర్సిటీ గ్రాంట్స్ కమిషన్(యూజీసీ) ఛైర్మన్ జగదీష్ కుమార్ గారు, కేంద్ర ఉన్నత విద్య శాఖ కార్యదర్శి సంజయ్ మూర్తి గారికి టీడీపీ యువ నాయకులూ నారా లోకేష్ లేఖ వ్రాసినట్లు తెలియచేసారు. ఈ సందర్భంగా ఆయన మాట్లాడుతూ... విశ్వవిద్యాలయాల్లో వైసిపి రాజకీయ పార్టీ కార్యకర్తలకు ప్రైవేటు ఉద్యోగాలంటూ జాబ్ మేళా ప్రకటించటం రాజ్యాంగ వ్యతిరేకం. విశ్వవిద్యాలయాల ప్రాంగణాల్లోనే రాజకీయ జాబ్ మేళాలు నిర్వహించేందుకు ఏర్పాట్లు చేస్తున్నారు. గత సార్వత్రిక ఎన్నికల్లో వైకాపా గెలుపు కోసం కృషి చేసిన వారికే ఈ జాబ్ మేళాలు నిర్వహిస్తున్నట్లు విజయసాయి ప్రకటించారు. రాజ్యాంగ సూత్రాలను ఉల్లంఘిస్తూ జరిగిన ఈ ఘటనల పట్ల తగు చర్యలు తీసుకోవాలి. లక్షలాదిమంది నిరుద్యోగ పట్టభద్రులను నిర్లక్ష్యం చేస్తూ ఉద్యోగ అవకాశాలను వైకాపా కార్యకర్తలకే పరిమితం చేస్తున్నారు. విద్యా సంస్థల నైతికత, విలువలు దిగజారకుండా తగు జాగ్రత్తలు తీసుకోవాలని కోరినట్లు తెలిపారు.
|
|