త్వరలో లేపాక్షి పుట్టపర్తి లో హెలీ టూరిజం
Andhra Pradesh Telugu | Suryaa Desk | Published : Sat, Apr 09, 2022, 02:52 PM
బెంగళూరు నుంచి నంది హిల్స్, లేపాక్షి, పుట్టపర్తి పర్యాటకులకు త్వరలో హెలీ టూరిజం అందుబాటులోకి రానుంది, ఇటీవల ప్రపంచ వారసత్వ కట్టడాల జాబితాలో చోటు దక్కించుకున్న ప్రముఖ పర్యాటక క్షేత్రం లేపాక్షిలో త్వరలో హెలీ టూరిజం ఏర్పాటు కానున్నట్లు తెలిసింది. తమిళనాడు కి చెందిన ప్రముఖ హెలీ టూరిజం ఆపరేటర్ (ఎయిరో డాన్) సంస్థ ప్రతినిధి సెల్వకుమార్ నేతృత్వం లోని సంస్థ ప్రతినిధులు స్థానిక డి ఎస్ ఆర్ లేపాక్షి ఎలైట్ లే అవుట్ లోని హెలీప్యాడ్ ని సందర్శించారు.
లేపాక్షి లో హెలీ టూరిజం ఏర్పాటు ఆవశ్యకతను బెంగళూరు కి చెందిన పారిశ్రామిక వేత్త ధనశేఖర్ రెడ్డి, హిందూపురం నియోజకవర్గ వైస్సార్సీపి నాయకుడు కోటమీద సురేష్ కుమార్ రెడ్డి, సంస్థ ప్రతినిధులకు వివరించి స్వయానా లేపాక్షి పర్యటనకు ఆహ్వానించారు. వారి ఆహ్వానం మేరకు లేపాక్షి కి వచ్చిన సంస్థ ప్రతినిధులు త్వరలో, ప్రభుత్వ అనుమతులు పోoదిన అనంతరం ట్రైల్ రన్ నిర్వహించనున్నట్లు హెలీ టూరిజం సంస్థ ప్రతినిధులు తెలియజేశారు. తెహెలీ టూరిజం ఏర్పాటుకు కావాల్సిన అనుమతుల విషయంలో తాను అన్నివిధాలా సహాకరిస్తానని హిందూపురం నియోజకవర్గ ఎమ్మెల్సీ మహమ్మద్ ఇక్బాల్ హామి ఇచ్చారు.
|
|