ట్రెండింగ్
కృష్ణా వర్శిటీ పీజీ కోర్సు మిగిలిన సీట్లకు స్పాట్ అడ్మిషన్లు
Andhra Pradesh Telugu | Suryaa Desk | Published : Tue, Apr 12, 2022, 12:02 PM
కృష్ణా విశ్వవిద్యాలయ పరిధిలోని పీజీ కోర్సుల్లో మిగిలిన సీట్లు భర్తీ చేసేందుకు స్పాట్ అడ్మిషన్ల ప్రక్రియ నిర్వహిస్తున్నట్టు ఉపకులపతి ఆచార్య కె. బి. చంద్రశేఖర్ తెలిపారు. మచిలీపట్నంలోని ఆర్ట్స్ అండ్ సైన్స్ కళాశాల, నూజివీడు పీజీ స్టడీ సెంటర్ లో మిగిలి ఉన్న ఖాళీల నిమిత్తం ఈ నెల 16వ తేదీ ఉదయం 10 గంటల నుంచి 11 గంటల లోపు డైరెక్టరేట్ ఆఫ్ అడ్మిషన్స్ కార్యాలయంలో రిపోర్ట్ చేయాలన్నారు. ఏపీపీజీసీ ఈటీ-2021 ర్యాంకుతో పాటు ఒరిజినల్ సర్టిఫికెట్లు సమర్పించాలన్నారు. మెరిట్ ప్రాతిపదికన సీట్ల కేటాయింపు ఉంటుందని, స్పాట్ అడ్మిషన్ ప్రాసెసింగ్ ఫీజు రూ. 500లు చెల్లించాలన్నారు. ఇతర వివరాలు విశ్వవిద్యాలయం వెబ్ సైట్ ద్వారా తెలుసుకోవాలన్నారు.
|
|