ట్రెండింగ్
ఏపీ నూతన కేబినెట్ పై నారా లోకేష్ ఘాటు వ్యాఖ్యలు
Andhra Pradesh Telugu | Suryaa Desk | Published : Wed, Apr 13, 2022, 09:03 PM
ఏపీ సీఎం జగన్ కేబినెట్ పై టీడీపీ జాతీయ ప్రధాన కార్యదర్శి నారా లోకేష్ ఘాటు విమర్శలు చేశారు. కొత్త కేబినెట్ లోని మంత్రులంతా డమ్మీలేనని లోకేష్ విమర్శించారు. భజన చేసిన వారికే జగన్ మంత్రి పదవులు కేటాయించారని లోకేశ్ వ్యాఖ్యానించారు. ఏపీలో పెరిగిన విద్యుత్ చార్జీలకు నిరసనగా బుధవారం మంగళగిరి నియోజకవర్గంలో లోకేష్ పర్యటించారు. ప్రజలకు కొవ్వొత్తులు, అగ్గిపెట్టెలు పంపిణీ చేశారు.
ఈ సందర్భంగా జగన్ ప్రభుత్వ విధానాలపై లోకేశ్ విమర్శలు చేశారు. జగన్ సీఎం అయ్యాక రాష్ట్రంలో అన్నింటి ధరలు పెంచుకుంటూ పోతున్నారని అన్నారు. వచ్చే నెలలో విద్యుత్ బిల్లులు వచ్చాక టీడీపీ ఆధ్వర్యంలో ఎమ్మెల్యేలు, మంత్రుల ఇళ్లను ముట్టడిస్తామని లోకేశ్ తెలిపారు.
|
|