కిడ్నీలు ఆరోగ్యంగా ఉండాలంటే ఇలా చేయండి

కిడ్నీలు మన శరీరంలోని మలినాలను లేదా విషపూరితాలను బయటకు పంపించి ఆరోగ్యాన్ని కాపాడుతాయి. వాటి పనితీరు సక్రమంగా ఉండాలంటే మనం కొన్ని జాగ్రత్తలు తీసుకోవాలి.
- రక్తంలో చక్కెర స్థాయిలు ఎక్కువైతే కిడ్నీలపై ఒత్తిడి పడుతుంది. డయాబెటిస్ వంటి వ్యాధులు వస్తే కొద్దికాలం తర్వాత కిడ్నీలు దెబ్బతినే ప్రమాదం ఉంటుంది. ఈ నేపథ్యంలో డయాబెటిస్ వచ్చినప్పుడు షుగర్ స్థాయిలను నియంత్రించుకోవాలి. వ్యాయామం తప్పనిసరిగా చేస్తూ ఉండాలి.
- అధిక రక్త పోటు సైతం కిడ్నీల వైఫల్యానికి దారితీస్తాయి. అందుకే ఉప్పు తగిన మోతాదులో తీసుకోవాలి.
- శరీరానికి పాస్ఫరస్, కాల్షియం చాలా అవసరం. తాజా పండ్లు, కూరగాయలు, మొక్కజొన్న, మాంసం, చేపలు, పాల ఉత్పత్తులు వంటి ఆహారాల పదార్థాల ద్వారా పాస్ఫరస్, కాల్షియాన్ని శరీరానికి అందించవచ్చు. అయితే అధిక మోతాదులో తీసుకోకూడదు.
- రోజుకు కనీసం 3 లీటర్ల నీరు తాగాలి.
- రాజ్మా ఉడికించిన నీళ్లు, గోరువెచ్చని నీళ్లు తాగితే కిడ్నీలకు మంచిది. అనవసరమైన లవణాలను శరీరం నుంచి బయటకు పంపించేందుకు ఇవి ఉపయోగపడతాయి.
- బీపీ, డయాబెటిస్​ను నియంత్రణలో ఉంచుకోవాలి.
- సమ్మర్ లో నిమ్మకాయ నీళ్లు, కొబ్బరి నీళ్లు తాగుతుండాలి.
- చలికాలంలో టమాట సూప్, పాలకూర సూప్, కూరగాయల సూప్ తాగాలి.
- నొప్పి మాత్రలు వాడకపోవడమే మంచిది.
- పొటాషియం కోసం కూరగాయలు, ఆలూ, అరటిపండ్లు అవకాడో, కమలాపండ్లు, టమాటాలు, క్యారెట్లు తీసుకోవాలి. ఆపిల్స్, కాన్​బెర్రీ, స్ట్రాబెర్రీస్, బ్లూబెర్రీస్, క్యాబేజీ, కాలీఫ్లవర్, దోసకాయల్లో పరిమితంగా పొటాషియం ఉంటుంది. వీటిని తీసుకుంటే శరీరానికి కావాల్సిన పొటాషియంను అందించవచ్చు. అదే సమయంలో కిడ్నీలపై అధిక ఒత్తిడి లేకుండా చూసుకోవచ్చు.