ట్రెండింగ్
చెట్టును ఢీకొట్టిన వ్యక్తికి తీవ్ర గాయాలు
Andhra Pradesh Telugu | Suryaa Desk | Published : Tue, Apr 19, 2022, 01:15 PM
ద్విచక్ర వాహనంపై అతివేగంతో ప్రయాణం చేస్తూ అదుపుతప్పి తాడిచెట్టును ఢీకొన్న వ్యక్తికి తీవ్ర గాయాలైన సంఘటన శృంగవరపుకోట మండలం వినాయకపల్లి గ్రామంలో చోటు చేసుకుంది. వివరాల్లోకి వెళితే. శృంగవరపుకోట మండలం పెదకండేపల్లి గ్రామానికి చెందిన ఓ వ్యక్తి తన ద్విచక్రవాహనంపై సోమవారం రాత్రి శృంగవరపుకోట నుండి జామి వెళుతున్న నేపథ్యంలో అతి వేగంతో ప్రయాణం చేస్తూ వినాయకపల్లి గ్రామం సమీపంలో అదుపుతప్పి రోడ్డు పక్కన గల తాటిచెట్టును ఢీకొన్నారు. ఈ ప్రమాదంలో ద్విచక్ర వాహనంపై గల వ్యక్తికి తీవ్ర గాయాలు కావడంతో గమనించిన స్థానికులు హుటాహుటిన 108 వాహనానికి సమాచారం అందించారు. ఈ మేరకు క్షతగాత్రుడుని వైద్య చికిత్స నిమిత్తం 108 వాహనంలో శృంగవరపుకోట ప్రభుత్వ ఆసుపత్రికి తరలించారు. పూర్తి వివరాలు తెలియాల్సి ఉంది.
|
|