యూ1 జోన్ తొలగింపు బీజేపీ తోనే సాధ్యం: సోము వీర్రాజు
Andhra Pradesh Telugu | Suryaa Desk | Published : Tue, Apr 19, 2022, 02:14 PM
యూ 1 తొలగింపు బీజేపీ ప్రభుత్వం తోనే సాధ్యమని బిజెపి రాష్ట్ర అధ్యక్షులు సోము వీర్రాజు అన్నారు. తాడేపల్లి కార్పొరేషన్ జోనల్ కార్యాలయం వద్ద యు1 జోన్ రైతులు చేస్తున్న నిరసన దీక్షలకు బీజేపీ అధ్యక్షుడు సోము వీర్రాజు మంగళవారం మద్దతు తెలిపారు. ప్రభుత్వం రిజర్వ్ జోన్ తొలగించే వరకు రైతులకు అండగా ఉంటామని స్పష్టం చేశారు. టిడిపి అధికారంలోకి వస్తే 100 రోజుల్లో రైతులను జోన్ నుండి విముక్తి కల్పిస్తామని నాటకాలు ఆడుతున్నారని, 100 రోజులు అవసరం లేదని తమ పార్టీ అధికారంలోకి వచ్చిన వెంటనే జోన్ తొలగిస్తామని హామీ ఇచ్చారు. యూ1రిజర్వ్ జోన్ పేరుతో కేసులు ఉన్నాయని చెప్పి ఎమ్మెల్యే ఆళ్ల రామకృష్ణారెడ్డి రైతులను తప్పుదోవ పట్టిస్తున్నారని చెప్పారు. యూ1 జోన్ తొలగింపునకు ప్రత్యామ్నాయం బీజేపీ మాత్రమే నని అన్నారు. అధికారంలోకి వచ్చిన వెంటనే మొట్టమొదటి సంతకం జోన్ తొలగింపుపై పెడతామని అన్నారు. కార్యక్రమంలో బీజేపీ నియోజకవర్గ నాయకులు, రైతులు తదితరులు పాల్గొన్నారు.
|
|