బోండా ఉమ ఒక చిల్లర రౌడీ: వాసిరెడ్డి పద్మ
Andhra Pradesh Telugu | Suryaa Desk | Published : Mon, Apr 25, 2022, 10:41 PM
బోండా ఉమ వంటి టీడీపీ నేతలు అవాకులు చెవాకులు పేలుతున్నారని, వారికి మహిళలతో చెప్పు దెబ్బలు తప్పవని ఏపీ మహిళా కమిషన్ చైర్మన్ వాసిరెడ్డి పద్మ పేర్కొన్నారు. సోమవారం మీడియాతో మాట్లాడుతూ టీడీపీ నేతలపై ఘాటు వ్యాఖ్యలు చేశారు. బోండా ఉమ ఒక ఆకు రౌడీ అనుకున్నానని, కానీ చిల్లర రౌడీ అని విమర్శించారు. రాజకీయాల్లో వాడో చీడ పురుగు అని, కాలకేయుడని పేర్కొన్నారు.
అలాంటి దౌర్భాగ్య వ్యక్తుల చేతిలో చంద్రబాబు పావుగా మారారని విచారం వ్యక్తం చేశారు. అత్యాచార ఘటనలో బాధితురాలిని పరామర్శించేందుకు ఏకంగా చంద్రబాబును రప్పించాలని అవసరం ఏముందని ప్రశ్నించారు. బాధితురాలికి న్యాయం చేసేందుకే తాను అక్కడికి వచ్చానని, తనపైనా టీడీపీ వారు దుర్భాలాడారన్నారు. మూడేళ్లుగా ఈ పదవిలో ఉన్నానని, ఏనాడు ప్రచారం కోసం పాకులాడలేదని చెప్పారు.మరోవైపు వాసిరెడ్డి పద్మపై మాజీ ఎమ్మెల్యే బోండా ఉమ పదునైన విమర్శలు చేశారు. తనను గౌరవం లేకుండా అరేయ్ ఒరేయ్ అంటోందని, బజారుమనిషిలా మాట్లాడడం వాసిరెడ్డి పద్మకు తగదని అన్నారు. తాను కూడా ఒసేయ్ అని అనగలనని, కానీ సంస్కారం అడ్డొస్తుందని చెప్పారు.
|
|