వొడా ఫోన్ ఐడియా కొత్త ఆఫర్లు ఇవే

టెలికం సంస్థలు ఇటీవల పోటాపోటీగా కొత్త ప్రీపెయిడ్ ప్లాన్‌లను ప్రకటిస్తున్నాయి. విభిన్న ప్లాన్‌లను యాడ్ చేస్తున్నాయి. ఇదే క్రమంలో వొడాఫోన్ ఐడియా కొత్తగా మూడు ప్రీపెయిడ్ ప్లాన్‌ను ప్రవేశపెట్టింది. గత నెలలో రెండు ప్లాన్‌ను తీసుకొచ్చిన ఆ సంస్థ.. మళ్లీ మూడింటిని యూజర్లకు అందుబాటులోకి తెచ్చింది. వొడాఫోన్ ఐడియా ( Vi ) కొత్తగా రూ.98, రూ.195, రూ.319 ప్లాన్‌లను తీసుకొచ్చింది. అలాగే రెండు డేటా వౌచర్లను కూడా ప్రవేశపెట్టింది. వొడా ఫోన్ ఐడియా కొత్తగా తీసుకొచ్చిన ఈ ప్లాన్‌ల బెనిఫిట్స్ ఎలా ఉన్నాయో చూడండి.

వొడాఫోన్ ఐడియా రూ.98 ప్లాన్‌

Vi Rs 98 Plan | వొడాఫోన్ ఐడియా కొత్తగా తీసుకొచ్చిన రూ.98 ప్లాన్‌ ద్వారా 15 రోజుల వ్యాలిడిటీతో 200MB డేటా లభిస్తుంది. అన్‌లిమిటెడ్ కాల్స్ చేసుకోవచ్చు. అయితే ఎస్ఎంఎస్ ప్రయోజనాలు మాత్రం ఉండవు.

వొడాఫోన్ ఐడియా రూ.195 ప్లాన్‌

Vi Rs 195 Plan | కొత్త రూ.195 ప్లాన్‌తో రీచార్జ్ చేసుకుంటే 31 రోజుల వ్యాలిడిటీ దక్కుతుంది. మొత్తంగా 2జీబీ డేటా లభిస్తుంది. అన్‌లిమిటెడ్ కాల్స్, 300 ఎస్ఎంఎస్‌లు పొందవచ్చు. వీటితో పాటు Vi మూవీస్, టీవీ బేసిక్స్ వాడుకోవచ్చు.

వొడాఫోన్ ఐడియా రూ.319 ప్లాన్‌

Vi Rs 319 Plan | Vi కొత్తగా లాంచ్ చేసిన రూ.319 ప్లాన్‌తో కూడా 31 రోజుల వ్యాలిడిటీ లభిస్తుంది. ఈ ప్లాన్‌ ద్వారా రోజుకు 2GB డేటా, అన్‌లిమిటెడ్ కాల్స్ దక్కుతాయి. అలాగే రోజుకు 100ఎస్ఎంఎస్‌లు వాడుకోవచ్చు. ఇక బింజ్ ఆల్‌నైట్, డేటా రోల్‌ఓవర్, డేటా డిలైట్ లాంటి Vi అన్‌లిమిటెడ్ బెనిఫిట్స్ కూడా దక్కుతాయి.

అలాగే వొడాఫోన్ ఐడియా కొత్తగా రెండు డేటా యాడ్ ఆన్ ప్లాన్‌లను తీసుకొచ్చింది. అవి రూ.29, రూ.39. వొడాఫోన్ ఐడియా రూ.29, రూ.39 డేటా ప్యాక్‌లు

ఈ ప్లాన్‌లు డేటా వౌచర్‌లా ఉపయోగపడతాయి. యాక్టివ్‌లో ఉన్న ప్లాన్ రోజువారీ డేటా అయిపోయాక ఈ డేటా వాడుకోవచ్చు. రూ.29తో రీచార్జ్ చేసుకుంటే 2జీబీ డేటా లభిస్తుంది. దీని వ్యాలిడిటీ కేవలం 2 రోజులు మాత్రమే ఉంటుంది. ఇక ఎలాంటి బెనిఫిట్స్ ఉండవు.

అలాగే రూ.39 ప్లాన్‌ ద్వారా.. 3జీబీ డేటా లభిస్తుంది. దీని వ్యాలిడిటీ 7 రోజులుగా ఉంటుంది. దీని ద్వారా కూడా కాల్స్, ఎస్ఎంఎస్ ప్రయోజనాలు ఉండవు. ప్రస్తుతం రూ.29, రూ.39 ప్లాన్స్ గుజరాత్ సర్కిల్‌లో మాత్రమే అందుబాటులో ఉన్నాయి. త్వరలోనే యూజర్లందరికీ వొడాఫోన్ ఐడియా (Vodafone Idea - Vi) అందుబాటులోకి తెచ్చే అవకాశాలు ఉన్నాయి.