మీరు ఇంటికి వెళ్లాలనుకొంన్నారు..ఉబెర్ హెలికాప్టర్ సర్వీసు ఉందిగా

సాంకేతిక పెరిగాక, ఉత్పత్తి పెరిగాక గతంలో ఎన్నడూ అనుభవించని వస్తువుగా మన కాళ్ల వద్దకు వచ్చివాలుతోంది. ఇదిలావుంటే ఆమె పేరు నికోల్. న్యూయార్క్ నగరం లో ఉంటోంది. ఉబెర్ యాప్ ఉపయోగించి.. తన ఇంటికి వెళ్లేందుకు ఏది చీప్ ఆప్షన్ అని అడిగింది. ఉబెర్.. ఆమెకు కొన్ని ఆప్షన్లు చూపించింది. వాటిలో హెలికాప్టర్ రైడ్ చీపెస్ట్ ఆప్షన్ అని చూపించింది. ఆశ్చర్యపోయిన ఆమె అదెలా సాధ్యం అనుకుంది. తనలాగే అందరూ ఆశ్చర్యపోతారనే ఉద్దేశంతో... స్క్రీన్ షాట్ తీసి... ట్విట్టర్‌లో పోస్ట్ చేసింది. తాను జాన్ ఎఫ్ కెన్నడీ ఎయిర్‌పోర్ట్ నుంచి తన ఇంటికి వెళ్లాలనుకున్నట్లు ట్వీట్‌లో తెలిపింది.

ఉబెర్ యాప్ ప్రకారం ఉబెర్ ఎక్స్ సర్వీస్ అయితే ఆమె $126.84 (రూ.9,706) చెల్లించాలి. ఇది నలుగురు ప్రయాణించగల ఉబెర్ స్టాండర్డ్ సర్వీస్ కారు. అదే ఉబెర్ క్యాబ్ సర్వీస్ అయితే ఆమె $102.56 (రూ.7,848) చెల్లించాలి. ఇది చిన్నకారు అనుకోవచ్చు. ఇక మూడో ఆప్షన్ అయిన హెలికాప్టర్ సర్వీ్స్ అయితే ఆమె $101.39 (రూ.7,758) చెల్లించాలని యాప్ చూపించింది.

నికోల్ ట్వీట్ చూసి చాలా మంది నెటిజన్లు ఆశ్చర్యపోతున్నారు. క్యాబ్ కంటే హెలికాప్టరే చీపా అని అడుగుతున్నారు. చాలా మంది నెటిజన్లు ఆమెను హెలికాప్టర్ సర్వీస్ ఉపయోగించుకోమని సలహా ఇచ్చారు. కొంతమంది మాత్రం హెలికాప్టర్ అయితే... ఎక్కడ ఎక్కాలి, ఎక్కడ దింపుతారు అని అడిగారు. ఇంకా చాలా మంది చాలా ట్వీట్లు పెడుతున్నారు.

అర్థశాస్త్రంలో ఓ సిద్ధాంతం ఉంటుంది. ఏంటంటే... ఉత్పత్తి పెరిగే కొద్దీ వస్తువు ధర తగ్గుతుంది. ఇదే ఫార్ములా ఉబెర్ సర్వీసులకూ వర్తిస్తున్నట్లు కనిపిస్తోంది. ఉబెర్ సంస్థ క్రమంగా హెలికాప్టర్ సర్వీసులను పెంచుతూ పోతే.. ఉత్పాదక ఖర్చులు తగ్గుతాయి. తద్వారా మరింత తక్కువ ధరకు ఈ సర్వీసులను ఇచ్చే ఛాన్స్ ఉంది. భవిష్యత్తులో అంతా హెలికాప్టర్ సర్వీసులనే ఉపయోగిస్తారు అని భావిస్తుండటం వల్లే ఉబెర్ ఈ ఆప్షన్‌ని చీపెస్ట్ ఆప్షన్‌గా ఇచ్చినట్లు కనిపిస్తోంది. ఇక న్యూయార్క్‌లో ట్రాఫిక్ ఎక్కువే. అందువల్ల క్యాబ్ సర్వీసుల కంటే.. వేగంగా.. క్షణాల్లో తీసుకెళ్లే హెలికాప్టర్ సర్వీస్ వల్ల తక్కువ ఫ్యూయల్ అవుతుందని భావించడం వల్ల ఉబెర్ ఈ ఆప్షన్ ఇచ్చినట్లు కనిపిస్తోంది.