ఒక్క ఐడియా...విద్యార్థుల్లో ఆత్మవిశ్వాసం పెంచింది

టీచర్లు చాలా మందే ఉంటారు. కానీ కొందరే విద్యార్థుల  మనస్సును చూరగొంటారు. అలాంటిదే ఈ కథనం. టర్కీలోని ఓ టీచర్ క్లాస్ రూమ్‌లోకి ఓ అట్టపెట్టని తెచ్చారు. దాన్ని ఓ కుర్చీలో ఉంచారు. అందులో తనకు ఇష్టమైన విద్యార్థి ఫొటో ఉంది అని చెప్పారు. ఆ విద్యార్థి ఎవరో తెలుసుకోవాలంటే... ప్రతి స్టూడెంట్ వచ్చి విడివిడిగా బాక్సులో చూడాలని చెప్పారు. తాము ఎవరిని చూసిందీ ఎవరికీ చెప్పకూడదని కండీషన్ పెట్టారు. సరే అన్న విద్యార్థులు ఒక్కొక్కరుగా వచ్చి... బాక్సులో ఉన్న ఆ విద్యార్థి ఫొటో ఏదా అని ఆసక్తిగా చూడసాగారు. అలా చూసిన ప్రతీ విద్యార్థీ నవ్వుతూ వెళ్లిపోతున్నారు. ఆ వీడియో ఇప్పుడు సోషల్ మీడియాలో వైరల్ అయ్యింది. 

అసలు ఆ బాక్సులో ఏముంది? ఏ విద్యార్థి ఫొటో ఉంది? ఎందుకు విద్యార్థులంతా బాక్సులో చూశాక నవ్వుతున్నారు? ఆ టీచర్ ఆ బాక్సులో ఏం ఉంచారు? ఇలా వీడియో చూస్తున్న నెటిజన్లకు రకరకాల ప్రశ్నలొచ్చాయి. వీడియో చివర్లో అసలు విషయం తెలుస్తోంది. అసలు విషయం తెలియడానికి వీడియోని చివరి వరకూ చూడాల్సిందే. మధ్యలో స్కిప్ చెయ్యడానికి ఆప్షన్ లేదు. అందువల్లే ఈ వీడియో నెటిజన్లకు బాగా నచ్చుతోంది. 

ఈ వీడియోని ఇన్‌స్టాగ్రామ్‌లోని troll_ogretmen పేజీలో ఏప్రిల్ 23, 2022న పోస్ట్ చేశారు. ఇప్పటివరకూ దీన్ని లక్షల మంది చూడగా... 82 వేల మందికి పైగా లైక్ చేశారు. చూశారుగా... అదీ సంగతి. అందుకే పిల్లలంతా నవ్వుతున్నారు. ఆ టీచర్ క్రియేటివ్ ఐడియా వారికి బాగా నచ్చింది. నెటిజన్లు ఈ వీడియో చూసి... చాలా అందమైన వీడియో, మంచి ఐడియా అని మెచ్చుకుంటున్నారు. "మోస్ట్ బ్యూటీఫుల్ ఐడియా" అని ఓ యూజర్ మెచ్చుకోగా... "అది కేవలం అద్దం కాదు. అందులో వారి ప్రతిరూపం కనిపిస్తుంది. అది పిల్లల్లో ఎంతో కాన్ఫిడెన్స్ నింపుతుంది" అని మరో యూజర్ మెచ్చుకున్నారు.

"ఇలాంటి టీచర్లను దేవుడు చల్లగా చూడాలి. వీళ్లు పిల్లలు తమకు తాము ఎంత స్పెషలో చెబుతారు. తాము ఎంత ముఖ్యమో పరోక్షంగా వివరిస్తారు" అని మరో యూజర్ మెచ్చుకున్నారు. "నేను కచ్చితంగా చెప్పగలను. ఇవాళ నేను చూసిన వాటిలో ఇది చాలా మంచి ఆనందం కలిగించిన వీడియో" అని మరో యూజర్ కామెంట్ ఇచ్చారు. "ఇది ఎంతో విలువైనది" అని మరో యూజర్ స్పందించారు. ఇలా ప్రతి ఒక్కరికీ ఈ వీడియో బాగా నచ్చుతోంది. ఇది క్రియేటివ్‌గా ఉంది అంటున్నారు.