రెండు బైకులు ఢీ ఇద్దరు మృతి.. మరో ఇద్దరికి తీవ్ర గాయాలు
Andhra Pradesh Telugu | Suryaa Desk | Published : Tue, May 03, 2022, 12:59 PM
ఎదురెదురుగా రెండు ద్విచ బైక్ లు ఢీకొన్న ప్రమాదంలో ఇద్దరు యువకులు మృతి చెందగా.. మరో ముగ్గురికి తీవ్రగాయాలైన ఘటన సోమవారం రాత్రి వనస్థలిపురం పోలీస్ స్టేషన్ పరిధిలో చోటుచేసుకుంది. ఓజాల ఆలం, ఖలీల్, రజాక్ లు బైక్ పై బడంగ్ పేట్ నుంచి రాత్రి 11 గంటల సమయంలో ఇబ్రహీంపట్నం వైపు వెళుతున్నారు. అదే సమయంలో మరో ఇద్దరు యువకులు సందీప్ రెడ్డి, రాజులు బైక్ పై ఇబ్రహీంపట్నం వైపు నుంచి వనస్థలిపురం వైపు వస్తున్నారు.
ఈ క్రమంలో గుర్రంగూడ మలుపు వద్దకు రాగానే రెండు బైక్ లు ఎదురె దురుగా ఢీకొన్నాయి. ఈ ప్రమాదంలో రాజు, రజాక్ తీవ్రగాయాలతో అక్కడికక్కడే మృతి చెందారు. సందీప్ రెడ్డి, ఖలీల్, ఆలంలకు తీవ్రగా యాలయ్యాయి. వారిని చికిత్స నిమిత్తం బి. ఎన్ రెడ్డి నగర్ లోని ఓ ఆసుపత్రికి తరలించారు. హాస్పిటల్ లో చికిత్స పొందుతున్న వారి పరిస్థితి విషమంగా ఉన్నట్లు పోలీసులు తెలిపారు. పూర్తి వివరాలు తెలియాల్సి ఉంది.
|
|