విమానంలో ప్రయాణికుడి వింత ప్రవర్తన...హడలెత్తిన అధికార్లు
international | Suryaa Desk | Published : Mon, May 09, 2022, 11:59 AM
విమానంలోనూ అపుడపుడు వింత ప్రయాణికులు ఎక్కుతుంటారు. వారివల్ల తంటాలు వచ్చిపడుతుంటాయి. శాండియాగో విమానంలో ఓ ప్రయాణికుడు అందరికీ ముచ్చెమటలు పట్టించాడు. తన వింత ప్రవర్తనతో హడలుగొట్టాడు. కాలిఫోర్నియాకు చెందిన (57) ర్యాండీ ఫ్రాంక్ డెవిలాగా కొద్దిసేపట్లో ల్యాండై ఫ్లైట్ టెర్మినల్కు చేరుతుందనగా హఠాత్తుగా తలుపు తెరిచేశాడు. అంతేకాదు రెక్కల మీదకు నడుచుకుంటూ వెళ్లి అక్కడ నుంచి కిందకు దూకేశాడు. అప్రమత్తమైన అధికారులు వెంటనే అక్కడకి చేరుకుని అతడిని అదుపులోకి తీసుకున్నారు. ఈ ఘటన అమెరికాలోని షికాగో ఎయిర్పోర్ట్లో గురువారం చోటుచేసుకుంది.
ర్యాండీ ఫ్రాంక్ క్ డెవిలాగా విమానం ల్యాండ్ అవ్వగానే కిందకు దూకేశాడు. దాంతో ర్యాండీపై పోలీసులు కేసు నమోదు చేసి రిమాండ్కు తరలించారు. అలాగే విమానంలోని ప్రయాణికులంతా సురక్షితంగా దిగినట్టు ఎయిర్లైన్స్ వెల్లడించింది. అయితే ఈ సంఘటన ఇది మొదటిది కాదు. అమెరికాలో ఇంతకు ముందు కూడా ఇలాంటి సంఘటనలు జరిగాయి. ఫిబ్రవరి నెలలో విమానంలోని ఓ ప్రయాణికుడు మార్గం మధ్యలో తలుపు తెరిచేందుకు ప్రయత్నించాడు. బలవంతంగా అతనిని అదుపు చేయాల్సి వచ్చింది.
అదేవిధంగా ఏప్రిల్ నెలలో కూడా ఇలాంటి రెండు ఘటనలు చోటుచేసుకున్నాయి. విమానాల్లో భయాందోళనకు గురిచేసిన వ్యక్తులకు అధికారులు భారీ జరిమానాలు కూడా విధించారు. అలాంటి వ్యక్తులను అదుపు చేసే క్రమంలో వారిపై దాడులు కూడా చేయాల్సి పరిస్థితి ఏర్పడుతుంది. 2021లో ఇలాంటి ఘటనలపై దాదాపు 5,500పైగా ఫిర్యాదులు అధికారులకు అందాయి.
|
|