శరీరంలో రోగనిరోధక శక్తి పెంచుకోండిలా
Health beauty | Suryaa Desk | Published : Wed, May 11, 2022, 04:08 PM
బాల్యంలో రోగనిరోధక వ్యవస్థ పెరుగుదలకు తోడ్పడే ఒక పోషకం జింక్. శరీరంలో తక్కువ జింక్ స్థాయిలు ఉంటే వ్యక్తులు అనారోగ్య ప్రమాదం మరింత పెరుగుతుంది. పిల్లలతో పాటు పెద్దలలోనూ జింక్ లోపం స్పష్టంగా కనిపిస్తుంటుంది. మానవ శరీరానికి జింక్ తగినంత స్థాయిలో లభిస్తే రోగనిరోధక వ్యవస్థకు మెరుగుపడుతుంది. శరీరంలో ప్రొటీన్లు, డీఎన్ఏ రూపొందడానికి సాయపడుతుంది. గాయాలు నయం కావడానికి దోహదపడుతుంది. బీన్స్, మాంసం, చేపలలో జింక్ పుష్కలంగా లభిస్తుంది. రోగనిరోధక వ్యవస్థ సరిగ్గా పనిచేయాలంటే శరీరానికి జింక్ అవసరం. జింక్ తక్కువ స్థాయిలు ఉంటే న్యుమోనియా వంటి ఇన్ఫెక్షన్ల ప్రమాదాలు పెరుగుతాయి.
అతిసారం ఉన్న శిశువులకు జింక్ సప్లిమెంట్లను ప్రపంచ ఆరోగ్య సంస్థ (WHO) సిఫార్సు చేస్తోంది. ముఖ్యంగా పౌష్టికాహారం లేనివారిలో ఇది అతిసార వ్యాధిని తగ్గించగలదని రుజువులు ఉన్నాయి. ఆరోగ్యకరమైన చర్మాన్ని కాపాడుకోవడంలో జింక్ కీలక పాత్ర పోషిస్తుంది. జింక్లో యాంటీ ఆక్సిడెంట్ లక్షణాలు ఉన్నాయి. ఇది అధిక రక్తపోటు, మధుమేహం, ఇతర దీర్ఘకాలిక వ్యాధులను నయం చేయడంలో సాయపడుతుంది. కంటి రెటీనాలో కణాల డ్యామేజీని నివారిస్తుంది. జింక్ తగినంత మోతాదులో శరీరానికి లభిస్తే సంతానోత్పత్తి సమస్యలు, మగవారిలో లైంగిక సమస్యలు దూరం అవుతాయి. అంతేకాకుండా నరాల బలహీనత, ఎముకలను బలహీన పరిచే ఆస్టియోపోరోసిస్ వంటి వ్యాధులు దూరం అవుతాయి.
|
|