ఉద్రిక్తతంగా మారిన కొనసీమ అంబేద్కర్ జిల్లా వివాదం
Andhra Pradesh Telugu | Suryaa Desk | Published : Tue, May 24, 2022, 09:20 PM
అంబేద్కర్ పేరుపై అనుకూల, వ్యతిరేక వర్గాల మధ్య సాగుతున్న పోరు కాస్త హింసాత్మకంగా మారుతోంది. దీంతో కోనసీమలో ఉద్రిక్తతలు ఎక్కడికి దారితీస్తాయోనన్న ఆందోళనలు వ్యక్తమవుతున్నాయి. కోససీమ జిల్లా పేరును అంబేద్కర్ జిల్లాగా మార్చడం ఆ ప్రాంతంలో ఉద్రిక్తతలకు దారితీసింది. పేరు మార్చవద్దని, కోనసీమ జిల్లాగానే ఉంచాలని ఓ వర్గం ఆందోళన కార్యక్రమాలను చేపట్టింది. కోనసీమ జిల్లా సాధన సమితి ఆధ్వర్యంలో వందలాది మంది అమలాపురంలోని గడియారం స్తంభం సెంటర్, ముమ్మిడివరం గేట్ తదితర ప్రాంతాల్లో ఆందోళన చేపట్టారు. కోనసీమ జిల్లానే ముద్దు, వేరే పేరు వద్దు అంటూ నినాదాలు చేశారు.
ఈ నేపథ్యంలో రంగంలోకి దిగిన పోలీసులు కొందరు యువకులను అదుపులోకి తీసుకున్నారు. ఈ క్రమంలో కొందరు యువకులు తప్పించుకుని కలెక్టరేట్ వద్దకు పరుగులు తీశారు. వీరిని పోలీసులు వెంబడించారు. ఈ క్రమంలో అమలాపురం ఏరియా ఆసుపత్రి వద్ద పోలీసులపై ఆందోళనకారులు రాళ్ల దాడి చేశారు. ఈ దాడిలో పోలీసులకు, యువకులకు ఇరువర్గాలకు గాయాలయ్యాయి. జిల్లా ఎస్పీ సుబ్బారెడ్డి త్రుటిలో రాళ్ల దాడి నుంచి తప్పించుకున్నారు. ఆందోళనకారులు ఎస్పీ వాహనంపై రాళ్లు రువ్వారు. ఈ దాడిలో ఎస్పీ గన్ మెన్ కు గాయాలయ్యాయి. ప్రస్తుతం అమలాపురంలో తీవ్ర ఉద్రిక్తత నెలకొంది.
|
|