అన్నదానం మహాదానం
Andhra Pradesh Telugu | Suryaa Desk | Published : Sat, May 28, 2022, 07:45 PM
ప్రొద్దుటూరు పట్టణానికి చెందిన వికసిత ఫౌండేషన్ అధ్యక్షురాలు శూలం లక్ష్మీదేవి ఆధ్వర్యంలో శనివారం అన్నదాన వితరణ కార్యక్రమం నిర్వహించారు. బ్రహ్మంగారి మఠం మండలం అమగంపల్లి సమీపమున బాలమ్మసత్రంలో గల వృద్దులు, మానసిక వికలాంగులు సుమారు వంద మందికి రాజంపేటకు చెందిన నూతేటి శంకర్ యాదవ్ తండ్రి సిద్దయ్య వర్ధంతి సందర్భంగా వారి సహాయంతో అన్నదానం నిర్వహించారు. ఈ కార్యక్రమానికి ముఖ్య అతిథిగా విచ్చేసిన హ్యూమన్ రైట్స్ ఆక్టివిస్ట్, సమాజ సేవకుడు జి. పి. నరసింహులు, ప్రాణదాత సేవా సమితి సెక్రెటరీ దివిజేంద్రనాధరాజు మాట్లాడుతూ మానవసేవే మాధవసేవ అని, పుట్టినరోజులు, పెళ్లిరోజుల వేడుకలు, వర్ధంతి కార్యక్రమాలు నిర్వహించడంలో ఆడంబరాలకు తావులేకుండా తమ శక్తి మేర వృద్ధాశ్రమాలలో, అనాధ ఆశ్రమాలు, మానసిక వికలాంగుల మధ్య సేవా కార్యక్రమాలు చేయడం చాలా గొప్ప విషయమని తెలిపారు. కార్యక్రమంలో వికసిత పౌండేషన్ సభ్యుడు విశ్వనాథ్, శుభాన్ సింగ్, సిస్టర్ మెరీన్, తదితరులు పాల్గొన్నారు.
|
|