విమానాల రాకపోకల డిస్ ప్లేలో ఫోర్న్ చిత్రాలు...షాక్ కు గురైన ప్రయాణికులు

ఫోర్న్ వీడియోల  బెడద తాజాగా ఎయిర్ పోర్ట్ ను  సైతం వీడలేదు. విమానాల  రాకపోకల గురించి తెలియజేసే డిస్  ప్లే పై ఫోర్న్ వీడియోల ప్రదర్శన జరగడంతో అక్కడున్న ప్రయాణికులు ఒక్క సారిగా ఖంగుతిన్నారు. బ్రెజిల్‌లోని ఓ ఎయిర్‌పోర్ట్‌లో ఊహించని సంఘటన చోటుచేసుకుంది. ఫ్లైట్స్ కోసం ఎదురుచూస్తున్న ప్రయాణికులకు ఒక్కసారిగా షాక్ తగిలింది. విమానాశ్రయంలోని ఎలక్ట్రానిక్ డిస్‌ప్లే‌లలో సడన్‌గా అశ్లీల వీడియోలు ప్లే అయ్యాయి. దాంతో అక్కడున్నవారంతా ఆశ్చర్యపోయారు. ఇది రియో డి జెనీరియోలోని ఓ ఎయిర్‌పోర్ట్‌లో జరిగింది. అయితే ఎయిర్‌పోర్ట్‌లో ఎలక్ట్రానిక్ డిస్‌ ప్లేలు హ్యాకింగ్‌కు గురికావడంతో ఇలా జరిగినట్టు సంబంధిత అధికారులు వెల్లడించారు.

హ్యాకింగ్‌కు గురైనట్టు ఎయిర్‌పోర్ట్ అధికారులు ఫెడరల్ పోలీసులకు శుక్రవారం సమాచారం ఇచ్చినట్టు బ్రెజిల్ ఎయిర్‌పోర్ట్ అథారిటీ ఇన్‌ఫ్రాఏరో తెలిపారు. సాధారణంగా ప్రకటనలు, విమానాల వివరాలను తెలియజేయాల్సిన డిస్‌ప్లేలలో పోర్న్ దృశ్యాలు ప్రసారం అయ్యాయి. దీనికి సంబంధించిన వీడియోలు సోషల్ మీడియాలో ప్రత్యక్షమయ్యాయి. అశ్లీల వీడియోలను చూసిన ప్రయాణికులు కొందరు షాక్ అయ్యారు. మరికొందరు నవ్వుకున్నారు. కొందరు ప్రయాణికులు తమ పిల్లలు వాటిని చూడకుండా జాగ్రత్తలు తీసుకున్నారు.

అయితే డిస్‌ప్లేలో సమాచార సేవలను ఔట్ సోర్సింగ్ పద్ధతిలో మరో కంపెనీ నుంచి పొందుతున్నామని, ఆ సంస్థకు ఈ విషయం తెలియజేశామని ఎయిర్‌పోర్ట్ అధికారులు ఓ ప్రకటనలో తెలిపారు. డిస్‌ప్లేలో ప్రసారమైన కంటెంట్‌కు ప్రకటన హక్కులున్న సంస్థలదే బాధ్యత అని పేర్కొన్నారు. తమ భాగస్వాములు ఇన్‌ఫ్రారో విమాన సమాచార వ్యవస్థతో సంబంధం లేని సొంత ప్రసార వ్యవస్థలను వినియోగిస్తున్నారని వెల్లడించింది. అందుకే జరిగిన పొరపాటుకు ఇన్ఫ్రాఏరో ఫ్లైట్ ఇన్ఫర్మేషన్ సిస్టమ్కు ఎలాంటి సంబంధం లేదని స్పష్టం చేసింది. అలాగే ఇన్‌ఫ్రారో హ్యాక్‌కు గురైన స్క్రీన్‌లను ఆఫ్ చేసిందని చెప్పారు.