నవ్వుతో పుట్టిన ఆ బిడ్డ జీవితాంతం నవ్వుతుందటా

ప్రపంచంలో మనం వింతలను చూస్తూనే ఉన్నాం...వాటి గురించి వింటూనే ఉన్నాం.  అలాంటి ఘటనయే అస్ట్రేలియాలో చోటు చేసుకొంది. పసిపిల్లలు నవ్వుతుంటే ముచ్చటగా ఉంటుంది. అందుకే వారిని నవ్వించడానికి తంటాలు పడుతుంటారు. కానీ ఓ బుజ్జాయికి మాత్రం ఆ నవ్వే శాపమైంది. ఆస్ట్రేలియాలో ఓ పసిపాప జన్మించడమే అందమైన నవ్వు మొహంతో పుట్టింది. అలా నవ్వుతూనే పుట్టడం ఒక లోపం అంట. ఆ పాపను చూసిన వైద్యులు సైతం షాక్ అయ్యారు. బైలేటరల్ మాక్రోస్టోమియా అనే అరుదైన జన్యుపరమైన వ్యాధి వల్ల పాప నవ్వు మొహంతోనే పుట్టినట్టు డాక్టర్లు వెల్లడించారు. అలా జీవితాంతం ఆ నవ్వు మొహంతోనే ఆ అమ్మాయి ఉండాలంటున్నారు.

దక్షిణ ఆస్ట్రేలియాలోని క్రిస్టినా వెర్చర్, బ్లేజ్ ముచా దంపతులకు 2022 డిసెంబర్‌లో ఐలా జన్మించింది. అయితే పుట్టినప్పుడు పాప ఏడ్వలేదు. పైగా నవ్వుతూ ఉంది. పెదాలు సాగి అసాధారణంగా ఉంది. దాంతో తల్లిదండ్రులు కంగారుపడిపోయారు. అయితే వైద్యులు పరిశీలించి పాపాయికి బైలెటరల్‌ మాక్రోస్టోమియా ఉన్నట్టు గుర్తించారు. ఇప్పటి వరకు ఇలాంటి కేసులు 14 మాత్రమే ఉన్నట్టు గణాంకాలు చెబుతున్నాయి. అందులో ఎయిలాది 14వ కేసుగా వైద్యులు నిర్ధారించారు. అయితే బిడ్డ కడుపులో ఉన్నప్పుడు ఏడో వారంలో కణజాలాల వల్ల ఈ స్థితి ఏర్పడుతుందని వైద్యులు అంటున్నారు.

దీనికి ఏదైనా పరిష్కారం ఉందని డాక్టర్లను అడిగితే... ఇప్పుడు సర్జరీ చేస్తే సాధారణ పరిస్థితికి రావొచ్చని, కానీ.. పెద్దయ్యాక మళ్లీ ఇప్పుడున్న స్థితే వచ్చేస్తుందని అంటున్నారు. దాంతో ఐలా తల్లిదండ్రులు బాధపడుతున్నారు. ఆమె పరిస్థితిపై ఎప్పటికప్పుడు డాక్టర్లను సంప్రదిస్తున్నారు. మరోవైపు ఐలా నవ్వు మొహం ఎంతోమందిని ఆకర్షిస్తుంది. ఆమె చిరునవ్వుతో చాలామంది హృదయాలను గెలుచుకుంది. అయితే బిడ్డ పరిస్థితిపై కొందరు యూజర్లు భిన్నంగా స్పందిస్తున్నారు. దాంతో పాపాయి తల్లి నా బిడ్డకు నవ్వే వరమని అంటోంది.