సినిమా సీన్ ను తలపించేలా...ఉక్రెయిన్ సైనికుడి తీరు

ఉక్రెయిన్‌, రష్యాల మధ్య యుద్ధం కొనసాగుతూనే ఉంది. ఫిబ్రవరి 24న రష్యా దళాలు దాడులు మొదలుపెట్టారు. దాంతో ఉక్రెయిన్‌లోని పలు నగరాల్లో భవనాలు ధ్వంసమయ్యాయి. చాలామంది అమాయక పౌరులు ప్రాణాలు కోల్పోయారు. ఇరు దేశాల సైనికులు సైతం చనిపోయారు. కానీ ఉక్రెయిన్ మాత్రం రష్యాకు లొంగడం లేదు. రష్యాకు గట్టి పోటీనిస్తూనే ఉంది. ఉక్రెయిన్ సైనికులు తెగించి పోరాడుతూనే ఉన్నారు. మరోవైపు రష్యా కూడా ఉక్రెయిన్ నగరాలను తమ ఆధీనంలోకి తెచ్చుకునే ప్రయత్నిస్తూనే ఉంది.

ఈ నేపథ్యంలో ఓ ఆసక్తికర వీడియో వెలుగులోకి వచ్చింది. మండుతున్న అగ్నిలోంచి దూకి రావడాలు వెనుక బాంబులు పేలుతుంటే ఏ మాత్రం బెదరకుండా వాటి ముందు నడుచుకు రావడం వంటి సీన్లు సినిమాల్లోనే ఉంటాయి. వాటిని రియల్ లైఫ్‌లో చూడడం కష్టం కదా. అసలు ఇలా జరిగే అవకాశమే ఉండదు. కానీ ఉక్రెయిన్‌లో నిజంగా ఇవన్నీ జరుగుతున్నాయి. మామూలుగా చిన్న శబ్ధాలకే భయపడుతుంటాం. అలాంటిది అక్కడ ఉక్రెయిన్ సైనికులు ఒక పక్క బాంబుల వర్షం కురుస్తోన్న ఏ మాత్రం భయపడడం లేదు. దీనికి సంబంధించిన ఓ వీడియో ఇప్పుడు ఇంటర్‌నెట్‌‌ను షేక్ చేస్తోంది.

యుద్ధం జరుగుతున్న ప్రదేశంలో ఓ సైనికుడు తన వెనుక క్షిపణులు పేలుతుంటే ముందు తీరిగ్గా చిప్స్ తింటూ నడుచుకుంటూ వస్తున్న వీడియో వైరల్ అవుతుంది. ఆ వీడియోలో వెనుక ఉన్న వాహనం నుంచి క్షిపణులు వరసబెట్టి పేలుతున్నాయి. దాని ముందు యూనిఫామ్‌లో ఉన్న ఉక్రెయిన్ సైనికుడు తన చుట్టూ అసలేం జరగనట్టు చాలా సాధారణంగా ప్యాకెట్‌లో చిప్స్ తింటున్నాడు. తన వెనుక క్షిపణులు ఒక్కొక్కటిగా దూసుకుపోతున్న విషయాన్ని పట్టించుకోవడం లేదు.

ఈ వీడియోను కీవ్ ఇండిపెంటెంట్ కోసం డిఫెన్స్ రిపోర్టర్ ఇలియా పొనోమరెంకో ట్విట్టర్‌లో షేర్ చేశారు. దీనికి అడ్వర్టైజింగ్ చిప్స్ సూట్ అనే క్యాప్సన్‌ కూడా పెట్టారు. మైక్రోబ్లాగింగ్ వెబ్‌సైట్‌లో ఈ వీడియోను అప్‌లోడ్ చేసిన దగ్గర నుంచి దీనికి 50 వేల కంటే ఎక్కువ మంది వీక్షించారు. చాలామంది లైక్ చేస్తున్నారు. ఇక యూజర్లు తమదైన దృష్టి కోణం నుంచి కామెంట్లు పెడుతున్నారు. కంఫర్ట్ ఫుడ్ అని, గాడ్ ఐ లవ్ దిస్ అని కామెంట్లు పెట్టారు. మరికొందరు అక్కడున్న ప్రస్తుత పరిస్థితిని కనెక్ట్ చేస్తూ ప్రతిస్పందించారు.