ఏఏ బ్యాంకు తక్కువ వడ్డీకే లోన్ ఇస్తుందో మీకు తెలుసా

మనం బ్యాంకు నుంచి లోన్ తీసుకోవాలంటే ఎవరైనా సరే టక్కున ఆలోచించే అంశం వడ్డీ ఎంతా అని. అది తెలుసుకోవడమే పెద్ద సవాల్. అందుకే  తక్కవు వడ్డీకి రుణాలు అందిస్తున్న బ్యాంకుల గురించి మీకు తెలియజేస్తున్నాం. పర్సనల్ లోన్ అనేది తక్షణ అవసరాల కోసం తీసుకుంటూ ఉంటారు. కొత్త గ్యాడ్జెట్ కొనుగోలు లేదంటే వెకేషన్‌కు వెళ్లడం ఇలా తదితర వాటికి చాలా మంది లోన్  తీసుకుంటూ ఉంటారు. అలాగే ఏమైనా ఎమర్జెన్సీ ఏర్పడితే అప్పుడు కూడా వ్యక్తిగత రుణాల వైపు చూసే వారు ఎక్కువగా ఉంటారు. బ్యాంకులు క్రెడిట్ స్కోర్ బాగున్న వారికి తక్కువ వడ్డీ రేటుకే రుణాలు అందిస్తూ ఉంటాయి. పర్సనల్ లోన్స్‌పై ఒక్కో బ్యాంక్ ఒక్కో రకంగా వడ్డీ రేట్లను అందిస్తూ ఉంటుంది. మీరు పర్సనల్ లోన్‌ కోసం అప్లై చేయడానికి ముందు మీకు అర్హత ఉందా లేదా అని చెక్ చేసుకోవాలి. బ్యాంక్ ప్రాతిపదికన రుణ అర్హతలు కూడా మారుతూ ఉంటాయి. అందువల్ల మీరు ఈ విషయాన్ని ముందుగానే తెలుసుకోవాలి. తర్వాత వడ్డీ రేట్ల అంశానికి అధిక ప్రాధాన్యం ఇవ్వాలి. అటుపై ఇతర చార్జీలను గమనించాలి.

ఇదిలావుంటే లోన్ తీసుకునే వారు ఈఎంఐ అంశానికి అధిక ప్రాధాన్యం ఇవ్వాలి. మీరు ఎంచుకునే లోన్ టెన్యూర్ ఆధారంగా ఈఎంఐ కూడా మారుతుంది. ఎక్కువ లోన్ టెన్యూర్ అయితే ఈఎంఐ తక్కువగా ఉంటుంది. అదే తక్కువ లోన్ టెన్యూర్ అయితే ఈఎంఐ ఎక్కువ అవుతుంది. అయితే ఎక్కువ లోన్ టెన్యూర్‌లో మీపై వడ్డీ భారం ఎక్కువగా పడుతుంది. అదే తక్కువ లోన్ టెన్యూర్ అయితే తక్కువ వడ్డీ భారం ఉంటుంది.

తక్కువ వడ్డీ రేటుతో పర్సనల్ లోన్స్‌ అందిస్తున్న బ్యాంకులు ఇవే

బ్యాంక్ ఆఫ్ బరోడాలో పర్సనల్ లోన్‌పై వడ్డీ రేటు 8.65 శాతం నుంచి స్టార్ట్ అవుతోంది. ఈ బ్యాంక్‌లో కూడా 5 ఏళ్ల వరకు లోన్ టెన్యూర్ ఉంది.

ఇండియన్ బ్యాంక్‌లో వడ్డీ రేటు 8.9 శాతం నుంచి ప్రారంభం అవుతోంది. లోన్ టెన్యూర్ 36 నెలల వరకు ఉంది.

కరూర్ వైశ్యా బ్యాంక్‌లో వ్యక్తిగత రుణాలపై వడ్డీ రేటు 9.4 శాతం నుంచి ప్రారంభం అవుతోంది. లోన్ టెన్యూర్ 60 నెలలు.

ఐడీబీఐ బ్యాంక్‌లో పర్సనల్ లోన్స్‌పై తక్కువ వడ్డీ ఉంది. ఈ బ్యాంక్‌లో వడ్డీ రేటు 8.15 శాతం నుంచి ప్రారంభం అవుతోంది. 60 నెలల వరకు టెన్యూర్ పెట్టుకోవచ్చు.

పంజాబ్ నేషనల్ బ్యాంక్‌లో కూడా తక్కువ వడ్డీ రేటుకే రుణాలు లభిస్తున్నాయి. ఈ బ్యాంక్‌లో రుణ రేటు 8.3 శాతం నుంచి ప్రారంభం అవుతోంది. ఈ బ్యాంక్‌లో కూడా 60 నెలల వరకు టెన్యూర్ ఆప్షన్ ఉంది.