కేంద్ర ప్రభుత్వ ఉద్యోగులకు శుభవార్త...ఆ రెండూ పెరగవచ్చు

ఓవైపు వాతలు పెడుతూ వస్తున్న కేంద్ర ప్రబుత్వం తన పరిధిలోని కేంద్ర ప్రభుత్వ ఉద్యోగులకు తిపి కబురు అందించేందుకు సిద్దమవుతోంది. కేంద్ర ప్రభుత్వ ఉద్యోగులకు తీపికబురు. వేతనాలు పెరగబోతున్నాయి. కేంద్ర ప్రభుత్వం వేతనాల అంశానికి సంబంధించి వచ్చే నెలలో కీలక ప్రకటన చేసే అవకాశముందని నివేదికలు పేర్కొంటున్నాయి. డియర్‌నెస్ అలవెన్స్ పెరిగే ఛాన్స్ ఉంది. వచ్చే నెలలో డీఏ (డీఏ) పెంపు ఉండొచ్చనే అంచనాలు ఉన్నాయి. మీడియా కథకాల ప్రకారం కేంద్ర ప్రభుత్వం ఉద్యోగులకు మరోసారి డీఏ పెంపు ప్రకటించొచ్చు. ఆల్ ఇండియా కన్సూమర్ ప్రైస్ ఇండెక్స్ (ఏఐసీపీఐ) ప్రకారం భారత ప్రభుత్వం డీఏను సవరిస్తూ ఉంటుంది. జనవరి, జూలై నెలలో డీఏ పెంపు ప్రకటన ఉంటుంది. అందువల్ల ఈసారి కూడా ఇదే జరగనుంది.

ఈ ఏడాది జనవరి నెలలో డియర్‌నెస్ అలవెన్స్ పెంచుతూ కేంద్రం నిర్ణయం తీసుకుంది. డీఏ 3 శాతం మేర పెరిగింది. అలాగే డీఆర్ కూడా ఇదే స్థాయిలో పైకి చేరింది. దీని వల్ల కేంద్ర ప్రభుత్వ ఉద్యోగులకు, పెన్షనర్లకు ఊరట కలిగిందని చెప్పుకోవచ్చు. ఇప్పుడు జూలై నెలలో డీఏ పపెంపు ఎంత ఉండనుందో తెలియదు. కేంద్రం ఎంత పెంచనుందో తెలియాల్సి ఉంది.

ఏప్రిల్, మే, జూన్ నెలలలో ఏఐసీపీఐ 126కు పైనే ఉంది. అంటే డియర్‌నెస్ అలవెన్స్ కూడా 4 శాతం వరకు పెరిగే అవకాశం ఉంది. జనవరిలో ఇది 125.1, ఫిబ్రవరిలో 125గా నమోదు అయ్యింది. మార్చి నెలలో ఇది 126కు చేరింది. ఏఐసీపీఐ ఇదే స్థాయిలో కొనసాగితే డీఏ 4 శాతం వరకు పెరగొచ్చని అంచనాలు ఉన్నాయి. ప్రస్తుతం ఉద్యోగులకు డీఏ 34 శాతంగా ఉంది. డీఏ పెరిగితే, అది కూడా 4 శాతం అయితే అప్పుడు డియర్‌నెస్ అలవెన్స్ 38 శాతానికి చేరుతుంది. ప్రభుత్వ ఉద్యోగులకు డీఏ, కేంద్ర ప్రభుత్వ పెన్షనర్లకు డీఆర్ అందిస్తారు.

డీఏ పెంపు తర్వాత అంటే డియర్‌నెస్ అలవెన్స్ 38 శాతానికి చేరితే ఉద్యోగుల వేతనం ఎంత పెరగొచ్చొ ఇప్పుడు తెలుసుకుందాం. డీఏను బేసిక్ శాలరీ ఆధారంగా లెక్కిస్తారు. అంటే రూ. 18 వేల బేసిక్ శాలరీ ఉంటే.. అప్పుడు వారికి 34 శాతం డీఏ పరంగా చూస్తే రూ. 6120 డీఏ వస్తుంది. అదే డీఏ 4 శాతం పెరిగితే.. అప్పుడు డీఏ రూ. 6840 అవుతుంది. అంటే డీఏ పెరుగుదల నెలకు రూ. 720గా ఉందని చెప్పుకోవచ్చు. కాగా డియర్‌నెస్ అలవెన్స్ అనేది ఉద్యోగి ప్రాతిపదికన మారుతుంది. ప్రస్తుతం కేంద్ర ప్రభుత్వ ఉద్యోగులకు డీఏ ఇప్పుడు 34 శాతంగా లభిస్తోంది.