ప్రొడక్షన్ నిలిపివేయండి: పొల్యూషన్ కంట్రోల్ బోర్డు ఆదేశాలు
Andhra Pradesh Telugu | Suryaa Desk | Published : Tue, Jun 07, 2022, 10:36 PM
కొత్తూరు పాలెంలో ఉన్న పోరస్ లేబరేటరీ, ప్రొడక్షన్ నిలిపివేయాలని పొల్యూషన్ కంట్రోల్ బోర్డు ఆదేశాలు జారీ చేసింది. అనకాపల్లి జిల్లా అచ్యుతాపురంలో ఉన్న బ్రాండిక్స్ గ్యాస్ లీక్ ఘటన సంగతి తెలిసిందే. జిల్లాలోని రాంబిల్లి మండలం, బ్రాండిక్స్ కంపెనీలో వెలువడిన విషవాయువు మొదట ఈ కంపెనీ నుంచి వచ్చిందంటూ ఆరోపణలు వచ్చిన సంగతి తెలిసిందే. అందుకే పోరస్ కంపెనీపై పొల్యూషన్ కంట్రోల్ బోర్డ్ చర్యలు తీసుకుంది. తమ నుంచి తదుపరి ఉత్తర్వులు వచ్చే వరకు కార్యకలాపాలు నిలిపేయాలని నోటీసులు ఇచ్చింది. పీసీబీ పోరస్ నుంచి శాంపిల్స్ తీసుకుని హైదరాబాద్ లోని ఇండియన్ ఇన్స్టిట్యూట్ ఆఫ్ కెమికల్ టెక్నాలజీకు పంపారు. .
ఈ నెల 3న గ్యాస్ లీకేజీ కారణంగా 200 మందికిపైగా కార్మికులు అస్వస్థతకు గురయ్యారు. వెంటనే వారిని సమీపంలోని ఆస్పత్రికి తరలించారు. ఈ నెల 5న మరోసారి విష వాయువులు లీక్కాగా.. ఆ సమయంలో మాత్రం కంపెనీలో ఎవరూ లేకపోవడంతో ప్రమాదం తప్పింది. ఈ గ్యాస్ లీకేజ్పై నిపుణుల బృందం విచారణ చేస్తున్న సంగతి తెలిసిందే.
బ్రాండిక్స్ సెజ్లోని విత్తనాల కంపెనీలో ఏసీ డెప్త్ నుంచి లీకేజీ జరిగినట్టుగా నిపుణుల బృందం ప్రాథమికంగా నిర్థారించారు. అలాగే ఏయూ ప్రోఫెసర్లు, కాలుష్య నియంత్రణ మండలి, పరిశ్రమల అధికారుల బృందం గ్యాస్ లీకేజీకి సంబంధించి చేస్తున్నారు. అలాగే ఏసీ డెప్త్ నుంచి లీకైన గ్యాస్ నమూనాలను కూడా పరీక్ష కోసం హైదరాబాద్ పంపారు. క్లోరిన్ ఆనవాళ్లు ఎక్కువగా ఉన్నట్లు ప్రాథమికంగా తేల్చారు.ఇప్పుడు పోరస్కు నోటీసులు వచ్చాయి.
|
|