డుంబ్రిగుడాలో వెలుగుచూసిన మోసం

అల్లూరి సీతారామరాజు జిల్లా డుంబ్రిగుడా మండలంలోని తూతంగి పంచాయతీ గేదలబంధ గ్రామానికి చెందిన తాంగుల రాజ్ కుమార్(30) అను వ్యక్తి గత నెల 26వ తారీఖున మధ్యాహ్నం 2గం.ల సమయంలో ఇతను తన యూనియన్ బాంక్ ఎటిఎం కార్డుతో అరకు స్టేట్ బాంక్ ఎటిఎం లో తన అకౌంట్ లో ఉన్న 15568 రూపాయలు ఉండగా అందులో 3000 రూపాయలు తీసుకున్నాడు.

అయితే అదేరోజునే వెంట వెంటనే అలా 12500 రూపాయలు కట్ అయిపోయింది. అయితే ఇందులో ఆశ్చర్యకరమైన విషయం ఏమనగా అకౌంట్లో లింక్ అయ్యి ఉన్న ఫోన్ కు మే 18వ తారీఖు వరకు ఎటువంటి బదిలీలు జరిగినా మెసేజు వొచ్చేది. కానీ ఆ తర్వాత రోజునుంచి నగదు బదిలీకి సంబంధించిన మెసేజ్ లు రాకపోవడం వల్ల నగదు బదిలీకి సంబంధించి తెలియలేదు. అయితే అవసర నిమిత్తం సదరు పేర్కొన్న తాంగుల రాజ్ కుమార్ యూనియన్ బాంక్ ఎటిఎం డుంబ్రిగుడా నందు జూన్ 2వ తారీఖున మిగిలిన సొమ్ము తీసుకుండమంటే అందులో ఉన్న డబ్బులు స్వాహా..అయితే వెంటనే యూనియన్ బాంక్ డుంబ్రిగుడా నందు వెళ్లగా దిమ్మతిరిగే నిజం బయటకొచ్చింది. అదేమనగా బాంక్ అకౌంట్ కస్టమర్ కు తెలియకుండానే తన అకౌంట్ కు లింక్ అయిఉన్న ఫోన్ నంబర్ ని బాంక్ వాళ్ళు మార్చేశారు.

అదేవిధంగా మార్చేయడమే కాకుండా వేరే వ్యక్తి తాలూకా ఫోన్ నెంబర్ ను ఇతను అకౌంట్ కు లింక్ చేసేసారు. వాటిపలితంగా ఆ వేరే వ్యక్తి అనగా కారణం ప్రదీప్ శ్రీ షిరిడీ సాయిరాం ట్రడర్స్ ఉక్కునగరం గాజువాక అను ఎవరైతే ఉన్నారో ఆ వ్యక్తి తనకు తెలిసో తెలియకుండనో యుపిఐ ద్వారా తాంగుల రాజ్ కుమార్ తాలూకా అకౌంట్ నుండి 12500 రూపాయలు బదిలీ చేసుకున్నాడు.

ఈ విషయాన్ని యూనియన్ బ్యాంక్ వాళ్లకు అడిగితే వాళ్లకు తెలియకుండా ఏదో తప్పు జరిగిపోయిందని ఎక్కువ అకౌంట్లకు ఒకే ఫోన్ నంబర్ లింక్ అయిందని అందుకే ఫోన్ నెంబర్ మారిందని చాలా సులువుగా తెలిపారు...కానీ అకౌంట్ దారునికి తెలియకుండా అలా ఎలా మార్చేస్తారు? ఇంకా ఆశర్యం కలిగించే విశాయమేమంటే ఒక అకౌంట్ నుంచి వేరే అకౌంట్ కు నగదు బదిలీ చేయాలంటే యంపిన్ ఉండాలి కానీ యంపిన్ లేకుండా ఈ నగదు ఎలా బదిలీ చేసారనేదే! గావున ఈ విషయాన్ని తేలికగా తీసుకోకుండా సైబర్ క్రైమ్ బ్రాంచ్ వాళ్లకు, యూనియన్ బ్యాంక్ హెడ్ బ్రాంచ్ కు ఫిర్యాదు చేశారు.