ఆక్రమణకు గురైన అటవీ భూములను నిర్ధిష్టంగా గుర్తించండి: పెద్దిరెడ్డి
Andhra Pradesh Telugu | Suryaa Desk | Published : Sat, Jun 11, 2022, 02:36 AM
సర్వే చేసే క్రమంలో ఆక్రమణకు గురైన అటవీ భూములను నిర్ధిష్టంగా గుర్తించాలని అధికారులకు రాష్ట్ర విద్యుత్, అటవీ శాఖ మంత్రి పెద్దిరెడ్డి రామచంద్రారెడ్డి కీలక వ్యాఖ్యలు చేశారు. ఈ మేరకు శుక్రవారం విజయవాడలోని క్యాంపు కార్యాలయలో అటవీ, రెవెన్యూ, సర్వే, సెటిల్‌మెంట్ అధికారులతో మంత్రి పెద్దిరెడ్డి రామచంద్రారెడ్డి సమీక్షా సమావేశం నిర్వహించారు. ఈ సందర్భంగా మంత్రి పెద్దిరెడ్డి మాట్లాడుతూ.. రాష్ట్రంలో సమగ్ర భూసర్వే, జగనన్న భూహక్కు-భూరక్ష కింద సర్వే జరుగుతోందన్నారు.
చట్టప్రకారం అటవీ భూములకు సర్వే నంబర్లు ఇవ్వకూడదని తెలిపారు. ఈ విషయంలో అధికారులు అప్రమత్తంగా ఉండాలన్నారు. చిత్తూరు, విశాఖపట్నం తదితర జిల్లాల్లో పెద్ద ఎత్తున అటవీ భూములు ఆక్రమణలకు గురయ్యాయని తెలిపారు. సెటిల్‌మెంట్ ఆఫీసర్ల పేరుతో కొందరు భారీగా బోగస్ పట్టాలను పొందారని మంత్రి పెద్దిరెడ్డి వెల్లడించారు. భూ సర్వే ద్వారా ఆక్రమిత భూములకు సర్వే నంబర్లు పొందాలనే ప్రయత్నం జరుగుతోందన్నారు. ఆక్రమణలను రెగ్యులర్ చేసుకునేందుకు జరిగే ప్రయత్నాలను నిలువరించాలని మంత్రి పెద్దిరెడ్డి సూచించారు. ఈ విషయమై రెవెన్యూ, అటవీ శాఖ అధికారులు సంయుక్తంగా సర్వే నిర్వహించాలని సూచించారు. తప్పుడు ధ్రువీకరణలతో అటవీ భూముల్లో పొందిన పట్టాలను రద్దు చేయాలని మంత్రి పెద్దిరెడ్డి ఆదేశించారు.
|
|