విషయంగా పర్వేజ్ ముషారఫ్ ఆరోగ్య పరిస్థితి
international | Suryaa Desk | Published : Sun, Jun 12, 2022, 08:52 PM
పర్వేజ్ ముషారఫ్ ఈ పేరు తెలియని వారుండరు. నాటి కార్గిల్ యుద్దం గురించి తెలిసిన వారందరికీ పర్వేజ్ ముషారఫ్ పేరు బాగా సుపరిచితం. ఇదిలావుంటే పాకిస్థాన్ మాజీ అధ్యక్షుడు పర్వేజ్ ముషారఫ్ ఆరోగ్య పరిస్థితి అత్యంత విషమంగా ఉంది. కండరాల సంబంధిత వ్యాధితో బాధపడుతున్న ఆయన గత మూడు వారాలుగా దుబాయ్లోని అమెరికన్ ఆస్పత్రిలో చికిత్స పొందుతున్నారని కుటుంబ సభ్యులు వెల్లడించారు. కొన్ని రోజులుగా ఆయణ్ని వెంటిలేటర్పై ఉంచి లైఫ్ సపోర్టు అందిస్తున్నట్లు తెలిపారు. ప్రస్తుతం ఆయన పరిస్థితి కోలుకునేందుకు సాధ్యం కానంత విషమంగా ఉందని ట్విటర్ ద్వారా వెల్లడించారు. పాకిస్థాన్ మాజీ అధ్యక్షుడు ముషారఫ్ మృతి చెందారంటూ స్థానిక, అంతర్జాతీయ మీడియాలో వార్తలు వెలువడుతున్న నేపథ్యంలో కుటుంబసభ్యులు స్పందించారు. ముషారఫ్ ఆరోగ్య పరిస్థితి గురించి వివరించారు.
‘ముషారఫ్కు వైద్యులు వెంటిలేటర్ తొలగించారు. ఆయన ఆరోగ్య పరిస్థితి క్లిష్టంగా ఉంది. ఆయనకు అవయవాలు పనిచేయడంలేదని డాక్టర్లు తెలిపారు. ముషారఫ్ కోసం ప్రార్థించండి’ అని కుటుంబసభ్యులు విజ్ఞప్తి చేశారు. 2001 నుంచి 2008 వరకు పాకిస్థాన్ అధ్యక్షుడిగా ముషారఫ్ పని చేశారు. ప్రస్తుతం ఆయన వయస్సు 78 ఏళ్లు. ముషారఫ్కు భార్య, కుమారుడు, కుమార్తె ఉన్నారు.
|
|