సరసమైన ధరల్లో ..రియల్‌మీ సీ30

మార్కెట్ లోకి రియల్‌మీ కొత్త స్మార్ట్ ఫోన్ అందుబాటులోకి వచ్చింది. రియల్‌మీ నుంచి చౌకైన స్మార్ట్‌ఫోన్‌ భారత మార్కెట్‌లో అడుగుపెట్టనుంది. రియల్‌మీ సీ30  పేరుతో ఈ మొబైల్‌ రానుంది. ఈ విషయాన్ని రియల్‌మీ అధికారికంగా ప్రకటించింది. రియల్‌మీ సీ30 ఫోన్‌ను ఈనెల 20వ తేదీ మధ్యాహ్నం 12 గంటలకు విడుదల చేయనున్నట్టు ప్రకటించింది. UniSoc ప్రాసెసర్‌తో ఈ బడ్జెట్ ఫోన్‌ రానుంది. 5000ఎంఏహెచ్ బ్యాటరీ ఉంటుంది. వీటితో పాటు రియల్‌మీ సీ30కి సంబంధించిన కొన్ని కీలకమైన స్పెసిఫికేషన్లు వెల్లజయ్యాయి. అంచనా ధర వివరాలు కూడా చూడండి.

రియల్‌మీ సీ30 మొబైల్‌ లాంచ్ తేదీని ట్విట్టర్ ద్వారా రియల్‌మీ వెల్లడించింది. జూన్ 12 మధ్యాహ్నం 12.30 గంటలకు తీసుకొస్తున్నట్టు చెప్పింది. ఈ-కామర్స్ సైట్ ఫ్లిప్‌కార్ట్‌ లో ఇప్పటికే ఈ ఫోన్‌ కోసం మైక్రోసైట్ ఏర్పాటు చేసింది. దీని ద్వారా రియల్‌మీ సీ30కి సంబంధించిన కీలకమైన స్పెసిఫికేషన్లు తెలుస్తున్నాయి.

UniSoc T612 ప్రాసెసర్‌పై ఈ మొబైల్‌ రన్ అవనుంది. అంటూటు బెంచ్‌మార్కె టెస్ట్‌లో ఈ ప్రాసెసర్‌ 1,76,932 పాయింట్లు స్కోర్ చేసిందని రియల్‌మీ పేర్కొంది. 5,000ఎంఏహెచ్ బ్యాటరీ ఉంటుందని కన్ఫర్మ్ చేసింది. రియల్‌మీ సీ30 మొబైల్‌ 182 గ్రాముల బరువు, 8.5 మిల్లీ మీటర్ల మందం ఉండనుంది. వెనుక ప్యానెల్‌పై నిలువుగా స్ట్రిప్స్ ఉండడంతో లుక్ స్టైలిష్‌గా కనిపిస్తోంది. బ్లూ, గ్రీన్ కలర్ ఆప్షన్‌లలో అందుబాటులోకి రావొచ్చు.

ఇక రియల్‌మీ సీ30 డిస్‌ప్లే, కెమెరాలకు సంబంధించిన వివరాలు లీక్‌ల ద్వారా వెల్లడయ్యాయి. 6.6 ఇంచుల ఫుల్ హెచ్‌డీ+ LCD డిస్‌ప్లేతో ఈ ఫోన్‌ వస్తుందని తెలుస్తోంది. వెనుక 13 మెగాపిక్సెల్ ప్రైమరీ కెమెరా ఉండే అవకాశం ఉంది. సెల్ఫీలు, వీడియో కాల్స్ కోసం 5 మెగాపిక్సెల్ ఫ్రంట్ కెమెరాతో రియల్‌మీ ఈ మొబైల్‌ను తీసుకొస్తుందని సమాచారం.

2జీబీ ర్యామ్ + 32జీబీ స్టోరేజ్, 3జీబీ ర్యామ్ + 32జీబీ స్టోరేజ్ వేరియంట్లలో రియల్‌మీ సీ30 లాంచ్ అవుతుందని లీక్‌లు తెలుపుతున్నాయి. ఆండ్రాయిడ్‌ గో బేస్డ్ ఆపరేటింగ్ సిస్టమ్‌పై రియల్‌మీ సీ30 రన్ అవుతుంది. 5000ఎంఏహెచ్ బ్యాటరీ ఉండగా.. 10వాట్ల సాండర్డ్ చార్జింగ్ స్పీడ్ ఉంటుందని తెలుస్తోంది. 4జీ, వైఫై, బ్లూటూత్, 3.5 ఎం.ఎం. హెడ్‌ఫోన్ జాక్, చార్జింగ్ కోసం మైక్రో యూఎస్‌బీ పోర్ట్ కనెక్టివిటీ ఫీచర్లుగా ఉంటాయి.

ఎంట్రీ లెవెల్ ధరలోనే రియల్‌మీ సీ30 ఉండనుంది. సుమారు రూ.7,000 దరిదాపుల్లో ఈ స్మార్ట్‌ఫోన్‌ ధర ఉండొచ్చు. తక్కువ ధరలో లైట్ వెయిట్, స్టెలిష్ లుక్‌ రానుండడంతో రియల్‌మీ సీ30 బడ్జెట్ రేంజ్‌లో మంచి ఆప్షన్‌గా ఉండొచ్చు.