ఫోర్బ్స్ జాబితాలో అమరరాజ గ్రూప్
Andhra Pradesh Telugu | Suryaa Desk | Published : Wed, Jul 06, 2022, 03:30 AM
ఫోర్బ్స్ జాబితాలో తెలుగు పారిశ్రామిక వేత కంపెనీకి అరుదైన గౌరవం లభించింది. టీడీపీ యువ నేత, గుంటూరు లోక్ స‌భ స‌భ్యుడు గ‌ల్లా జ‌య‌దేవ్ కుటుంబ ఆధ్వ‌ర్యంలోని అమరరాజ గ్రూప్ స‌త్తా చాటింది. ఫోర్బ్స్ జాబితాలో చోటు ద‌క్కించుకున్న ఈ కంపెనీ... 500 బెస్ట్ ఎంప్లాయ‌ర్స్ జాబితాలో నిలిచింది. ఈ మేర‌కు త‌న‌కు ద‌క్కిన గుర్తింపుపై అమరరాజ గ్రూప్ మంగ‌ళ‌వారం ఓ ఆస‌క్తిక‌ర ట్వీట్ చేసింది. చిత్తూరు జిల్లా కేంద్రంగా ఈ సంస్థ కార్య‌క‌లాపాలు సాగిస్తున్న సంగ‌తి తెలిసిందే.
జ‌నం విలువ తెలిస్తే పోటీలో ముందుంటామ‌న్న విష‌యాన్ని తాము నమ్ముతామ‌ని.. విశ్వాసం, గౌరవం అన్న‌వే ఆ నమ్మ‌కానికి కార‌ణ‌మ‌ని కూడా అమరరాజ గ్రూప్ తెలిపింది. ఆ దిశ‌గా ప‌య‌నించినందుకే తాము ఫోర్బ్స్ జాబితాలో చోటు ద‌క్కించుకున్నామ‌ని వెల్ల‌డించింది. ఈ న‌మ్మ‌కంతోనే మ‌రింత వృద్ధిని సాధిస్తామ‌ని కూడా ఆ సంస్థ తెలిపింది.
|
|