రహదారుల పరిస్థితి అధ్వాన్నం
Andhra Pradesh Telugu | Suryaa Desk | Published : Mon, Jul 18, 2022, 04:40 PM
పాలకొండ మండలంలో వివిధ గ్రామాల్లో రహదారుల పరిస్థితి అత్యంత దారుణంగా తయారయ్యాయి. ఇవి రహదారులంటే ఎవరికైనా అనుమానమే వస్తుంది. కనీసం మరమ్మతులు కూడా జరగకపోవడంతో రహదారుల పరిస్థితి అధ్వాన్నంగా ఉన్నాయి. వర్షాకాలం కావడంతో ప్రజలు నానా అవస్థలు పడుతున్నారు. మండలంలో పలు గ్రామాల్లో ఇదే పరిస్థితి ఎదురవుతుంది. లుంబూరు, ఓని, అంపిలి, దుగ్గి నుంచి నక్కపేట పారాపురం వెళ్లే రహదారి పరిస్థితి అధ్వాన్న్గంగా ఉంది.
కాలుపెట్టడానికే వీలులేని పరిస్థితిలో ఈ రహదారులు కనిపిస్తున్నాయి. ప్రజలు, వాహనదారులు ఈ రహదారులపై నడవడానికి కూడా భయపడుతున్నారు. ఎక్కడ ఏ ప్రమాదం సంభవిస్తుందో తెలియక ఆందోళన చెందుతున్నారు. అధికారులు మాత్రం పట్టించుకునే పరిస్థితి కనిపించడం లేదు. నాయకులు కూడా ఈ రహదారులపై కన్నెత్తి చూడడం లేదు. దీంతో పలు గ్రామాల ప్రజలు తీవ్ర అసంతృప్తి చెందుతున్నారు. ఇప్పటికైనా రహదారులు మరమ్మతులు చేపట్టాలని పలు గ్రామాల ప్రజలు కోరుతున్నారు
|
|