విదేశాలకు ఆ ఇద్దరు టీడీపీ ఎమ్మెల్యేలు...రాష్ట్రపతి ఎన్నికల్లో ఓటింగ్ కు దూరం
Andhra Pradesh Telugu | Suryaa Desk | Published : Mon, Jul 18, 2022, 04:42 PM
రాష్ట్రపతి ఎన్నికల్లో ఇద్దరు టీడీపీ ఎమ్మెల్యేలు ఓటింగ్ వేయలేకపోయారు. ఇదిలావుంటే భారత రాష్ట్రపతి ఎన్నిక కోసం సోమవారం ఉదయం దేశవ్యాప్తంగా పోలింగ్ మొదలైంది. ఢిల్లీలోని పార్లమెంటులో ఎంపీలు, ఆయా రాష్ట్రాల అసెంబ్లీల్లో ఎమ్మెల్యేలు ఓటింగ్లో పాలుపంచుకుంటున్నారు. సోమవారం మధ్యాహ్నానికే దాదాపుగా పోలింగ్ ముగిసిందనే చెప్పాలి. అయితే ఏపీలో ఎమ్మెల్యేలు, టీడీపీ నేతలు గోరంట్ల బుచ్చయ్య చౌదరి (రాజమహేంద్రవరం రూరల్), నందమూరి బాలకృష్ణ (హిందూపురం)లు రాష్ట్రపతి ఎన్నికల్లో ఓటు వేయలేదు.
చాలా రోజుల క్రితమే గోరంట్ల అమెరికా పర్యటనకు వెళ్లారు. ఇంకా ఆయన అమెరికా నుంచి తిరిగి రాలేదు. ఈ కారణంగానే ఆయన రాష్ట్రపతి ఎన్నికల ఓటింగ్లో పాల్గొనలేదు. ఇక బాలకృష్ణ కూడా ఇటీవలే విదేశీ పర్యటనకు వెళ్లారు. దీంతో ఆయన కూడా ఓటింగ్కు హాజరు కాలేకపోయారు. సోమవారం మధ్యాహ్నం 2 గంటల సమయానికి ఏపీలో మొత్తం 175 మంది ఎమ్మెల్యేలు ఉంటే... వారిలో 167 మంది తమ ఓట్లు వేశారు. మిగిలిన వారిలో గోరంట్ల, బాలకృష్ణలను మినహాయిస్తే ఇంకెందరు ఓటింగ్కు హాజరు అవుతారన్నదానిపై ఆసక్తి నెలకొంది.
|
|