జగనన్న కాలనీ వేగవంతం చేయాలి మున్సిపల్

జగనన్న పాలకొండ అర్బన్ లే అవుట్ గృహ నిర్మాణం వేగవంతం చేయాలని కమీషనర్ నడిపేన రామారావు సూచించారు. ప్రతి పేద ప్రజలు స్వంతింటి యజమానులు కావాలనే బృహత్తర లక్ష్యంలో భాగంగా మన రాష్ట్ర ప్రభుత్వం వారి ఆదేశాల మేరకు ఇప్పటి వరకు ఆ లే-అవుట్ లో ఇంటి నిర్మాణ పనిని ఇప్పటికీ మొదలు పెట్టని వారు తమ తమ గృహ నిర్మాణాల పనులను ప్రారంభించేలా లబ్దిదారుల ఇంటింటికి వెళ్లి అవగాహన కల్పించాలన్నారు. గృహ నిర్మాణాలకు అవసరమైన మెటీరియల్ రవాణాకు గాను ఇంటర్నల్ రోడ్లను యుద్దప్రాతిపదికన బాగుచేయిస్తున్నామన్నారు. డ్వాక్రా మహిళలకు 35వేల వరకు పావలా వడ్డీకే అదనపు ప్రారంభ ఋణం ప్రభుత్వం ఇస్తున్నదని, డ్వాక్రా లో లేనివారు చేరేందుకై మెప్మా అధికారులను సంప్రదించాలన్నారు.

ప్రభుత్వ సబ్సిడీ ధరకు సిమెంట్, స్టీల్, ఇటుక, సిమెంట్ మరియు ఇంటి నిర్మాణానికి అవసరమగు నీరు తదితర మౌళిక సదుపాయాలను ప్రభుత్వం కల్పిస్తున్నందున వినియోగించుకుని ఇంకనూ గృహ నిర్మాణం ప్రారంభించని లబ్ధిదారులు ప్రభుత్వ సహాయ సహకారాలు అందుకుని ఇళ్లనిర్మాణం ప్రారంభించాలన్నారు. మన రాష్ట్ర ప్రభుత్వం వారు ప్రత్యేకించి కల్పించిన ఈ సదవకాశాన్ని తమ తమ వార్డుల పరిధిలలో ఉన్న గృహ నిర్మాణ లబ్ధిదారులకు అవగాహన కల్పించి ఈ మంచి అవకాశాన్ని ఆయా గృహనిర్మాణ లబ్ధిదారులందరూ కూడా వినియోగించుకుని ప్రభుత్వ నిర్ధేశిత లక్ష్యాన్ని పూర్తి చేసి ఇంటి నిర్మాణాలు చేపట్టవలసినదిగా సూచించారు. నగర పంచాయితీ కాంట్రాక్టర్లు 3వ ఆప్షన్ లో గృహనిర్మాణాలు చేపట్టేందుకు సుముఖత వ్యక్తం చేసినందున అతి త్వరలోనే పట్టణంలోని అన్ని గృహాలు పూర్తిచేసేందుకై సిబ్బంది అంతా పూర్తి నిబద్దతతో పనిచేయాలని సూచించారు. జగనన్న కాలనీలో మౌళిక సదుపాయాలు కూడా అతి త్వరలోనే ఏర్పాటు చేయడానికి ప్రయత్నిస్తున్నామని, దీని ప్రకారము విశాలమైన రోడ్లు, అండర్ గ్రౌండ్ డ్రైనేజీ, పార్కులు, సెంటర్ లైటింగ్ సిస్టం, త్రాగునీటి సదుపాయము మరియు ఇంటింటా నాలా కార్యక్రమము కూడా త్వరలోనే కార్యాచరణ రూపొందిస్తున్నామన్నారు. గృహ నిర్మాణాలు వేగవంతం చేయాలని సూచించారు.