జీఎస్టీ ఆదాయం 25శాతం పెరుగుదల
Andhra Pradesh Telugu | Suryaa Desk | Published : Tue, Aug 02, 2022, 06:04 PM
జీఎస్టీలో వివిధ వస్తువులు చేరడంతో ఈ ఏడాది కూడా గతానికంటే 25శాతం దీని ఆదాయం పెరగింది. ఏపీ జులై నెలకు సంబంధించి జీఎస్టీ వసూళ్లలో మరోసారి అదరగొట్టింది. జీఎస్టీ వసూళ్లలో 25 శాతం వృద్ధి కనిపించగా.. గతేడాది జులైలో రూ.2,730 కోట్లు జీఎస్టీ రూపంలో వసూలవ్వగా.. ఈ సారి రూ.3,409 కోట్లు వసూలు అయినట్లు కేంద్రం తెలిపింది. తెలంగాణ విషయానికి వస్తే.. గతేడాది జులై తెలంగాణ రూ.3610 కోట్ల మేర జీఎస్టీ వసూళ్లు సాధించగా.. ఈ సారి 26 శాతం వృద్ధితో రూ.4,547కోట్లు సాధించింది.
మరోవైపు దేశంలో కూడా జీఎస్టీ వసూళ్లు భారీగా పెరిగినట్లు కేంద్రం వెల్లడించింది. జులైకు రూ.1.49 లక్షల కోట్లు వసూలయ్యాయి. గతేడాదితో పోలిస్తే.. 28 శాతం వృద్ధి నమోదైంది. ఆర్థిక రికవరీ, పన్ను ఎగవేతలు అరికట్టడం వంటి కారణాల వసూళ్లు పెరిగినట్లు కేంద్రం తెలిపింది. 2021లో జులైలో జీఎస్టీ వసూళ్లు రూ. 1.16 లక్షల కోట్లు. జీఎస్టీ విధానం అమల్లోకి వచ్చిన తర్వాత ఇది రెండవ గరిష్ఠ ఆదాయం.
ఇటు వరుసగా 5వ నెలలో కూడా జీఎస్టీ ఆదాయం రూ.1.4 లక్షల కోట్ల మార్క్ దాటిందని కేంద్రం తెలిపింది. అలాగే పన్ను చెల్లింపులను మరింత సులభతరం చేస్తూ జీఎస్టీ కౌన్సిల్ గతంలో తీసుకున్న పలు చర్యలు కారణమని ప్రభుత్వం వెల్లడించింది. మరోవైపు ఆర్థిక వ్యవస్థ రికవరీ కూడా జీఎస్టీ వసూళ్లపై సానుకూల ప్రభావం చూపింది అంటున్నారు.
|
|