మంకీ పాక్స్ నుంచి విముక్తికోసం చేయండిలా

మంకీ పాక్స్ ప్రమాదం నుంచి బయటపడేందుకు కొత్త మార్గదర్శకాలు అమలులోకి వచ్చాయి. భారత దేశంలో మంకీపాక్స్ కేసులు పెరుగుతున్నాయి. ఇప్పటికే ఇక్కడ కేసుల సంఖ్య ఎనిమిదికి చేరుకున్నాయి. దీంతో కేంద్ర ప్రభుత్వం అప్రమత్తమైంది. ఒక పక్క మంకీపాక్స్ వ్యాధి చికిత్స కోసం ఆస్పత్రిలో సౌకర్యాలను పెంచుతూనే వ్యాధిపై అవగాహన కల్పించే కార్యక్రమాలను చేపడుతుంది. అందులో భాగంగా కేంద్ర ఆరోగ్య మంత్రిత్వ శాఖ బుధవారం మంకీపాక్స్ వ్యాధిపై చేయవలసిన, చేయకూడని జాబితాను విడుదల చేసింది. ఈ మేరకు ఓ ట్వీట్ చేసింది

తీసుకోవాల్సిన జాగ్రత్తల గురించి ఇలా తెలియజేసింది.  ఇప్పటికే వ్యాధి బారిన పడిన వారిని ఇతరులకు దూరంగా ఐసోలేషన్‌లో ఉంచాలి. శరరీంపై దద్దుర్లు పూర్తిగా తగ్గేంతవరకు బాధితులు ఐసోలేషన్‌లో ఉండాలి. బాధితులు కచ్చితంగా మాస్క్‌ ధరించాలి. చేతులకు కూడా డిస్పోజల్ గ్లౌజులు వేసుకోవాలి. నిటైజర్‌తోనో, సబ్బుతోనో నిత్యం చేతులను శుభ్రం చేసుకోవాలి. బాధితులు ఉన్న ఇంటి పరిసరాలు ఎప్పటికప్పుడు శుభ్రంగా ఉండేలా చూసుకోవాలి. ఇంటి పరిసరాలు ఎప్పటికప్పుడు శుభ్రం చేసుకుంటూ ఉండాలి. మంకీపాక్స్ వ్యాధి బారిన పడిన వారు ఉపయోగించే దుస్తులు, టవళ్లు, బెడ్‌ను కుటుంబంలో ఇతరులు వాడకూడదు. బాధితులు ఉపయోగించిన దుస్తులను మిగతా వారి దుస్తులతో కలిపి ఉతక్కూడదు. వాటిని ప్రత్యేకంగా శుభ్రం చేయాలి. మంకీపాక్స్ లక్షణాలు కనిపిస్తే బహిరంగ ప్రదేశాలకు వెళ్లకూడదు. తప్పుడు సమాచారం నమ్మి బాధితులపై వివక్ష చూపకూడదు.

కేరళ, ఢిల్లీలో మంకీపాక్స్ కేసులు నమోదవుతున్నాయి. తాజాగా ఢిల్లీలో మరో మంకీపాక్స్ కేసు న‌మోదు అయింది. ఒక్కరోజే రెండు కేసులు నమోదయ్యాయి. కేరళలో యూఏఇ నుంచి వ‌చ్చిన వ్యక్తికి, ఢిల్లీలో మరో నైజీరియన్‌కు మంకీపాక్స్ పాజిటివ్‌గా నిర్ధారణ అయింది. ఢిల్లీలో.. ఎలాంటి విదేశీ పర్యటన చరిత్ర లేని ఆఫ్రికన్ సంతతికి చెందిన 35 ఏళ్ల వ్యక్తికి మంకీపాక్స్‌ సోకినట్లు అధికారులు తెలిపారు. అంతేకాదు కేరళలో మంకీపాక్స్‌తో ఒకరు చనిపోయారు. మంకీపాక్స్ కేసులు పెరుగుతుండడంతో అందరిలో ఆందోళన నెలకొంది. మంకీపాక్స్ వైరస్ 1958లో బయటపడింది. ఆఫ్రికా దేశాల్లోనే ఎక్కువగా కేసులు నమోదవుతుండేవి. కానీ తొలిసారి చాలాదేశాల్లో ఈ కేసులు నమోదవుతున్నాయి.