లారీని కాపాడేందుకు డ్రైవర్,,క్లీనర్ అలా ప్రయత్నించారు
national | Suryaa Desk | Published : Wed, Aug 10, 2022, 09:19 PM
వరద ప్రవాహంలో కొట్టుకుపోయే వాటిని కాపాడుకోవడం కష్టమే మరి. వరద ప్రవాహంలో లారీ కొట్టుకుపోయింది. వంతెన పైనుంచి కిందకు కొట్టుకుపోయిన లారీని కాపాడేందుకు స్థానికుల సాయంతో డ్రైవర్, క్లీనర్ శత విధాలా ప్రయత్నిస్తున్నారు. ఆంధ్ర ప్రదేశ్ నుంచి బియ్యం లోడుతో రాయ్‌పూర్ బయల్దేరిన లారీ మార్గమధ్యంలో వరదలో చిక్కుకుంది. ఛత్తీస్‌గఢ్‌లోని దంతరి జిల్లాలో ఈ ఘటన చోటు చేసుకుంది. ఛత్తీస్‌గఢ్‌లోని బీజాపూర్ జిల్లాలో 20 రోజుల కిందట ఓ బియ్యం లారీ ఇలాగే కొట్టుకుపోయిన సంగతి తెలిసిందే. పౌర సరఫరాల శాఖ బియ్యం తరలిస్తున్న లారీ వరద నీటిలో చిక్కుకుంది. వరద ఉధృతి పెరగడంతో కొట్టుకుపోయింది.
రెండు రోజులుగా ఏకధాటిగా కురుస్తున్న వర్షాలు ఛత్తీస్‌గఢ్‌ను అతలాకుతలం చేస్తున్నాయి. పలుచోట్ల రహదారులపై వాగులు పొంగిపొర్లుతున్నాయి. చాలా గ్రామాలకు రాకపోకలు నిలిచిపోయాయి. దంతరి జిల్లాలో ప్రజా జీవనం అస్తవ్యస్తంగా మారింది. ఆంధ్ర ప్రదేశ్ నుంచి నుంచి ఛత్తీస్‌గఢ్ నయా రాజధాని రాయపూర్ వెళుతున్న ఓ లారీ దంతరి జిల్లాలో వాగులో చిక్కుకుంది. వరద ప్రవాహం పెరగడంతో వంతెన పైనుంచి వాగులో పడిపోయింది. వాగు ఉధృతికి లారీ కొట్టుకుపోకుండా లారీ డ్రైవర్, ఇతర సిబ్బంది తాళ్లు కట్టి ఒడ్డుకు చేర్చే ప్రయత్నం చేస్తున్నారు.
|
|