వచ్చే ఎన్నికల్లోనూ ఏపీలో వార్ వన్ సైడే...టైమ్స్ నౌ సర్వే ఇదే చెబుతోంది
Andhra Pradesh Telugu | Suryaa Desk | Published : Tue, Aug 16, 2022, 03:58 PM
ఆంధ్రప్రదేశ్ రాష్ట్ర రాజకీయాలలో తిరుగులేని శక్తిగా ఉన్న వైసీపీకి వచ్చే ఎన్నికల్లోనూ అదే ప్రభంజనం కొనసాగిస్తుందటా. తాజాగా టైమ్స్ నౌ సర్వే ఇదే తేల్చి చెప్పింది. ఏపీలో వైఎస్ జగన్ నాయకత్వంలోని వైసీపీ వచ్చే ఎన్నికల్లోనూ తన ప్రభావం చూపించడం ఖాయమని మరో సర్వే చెబుతోంది. ఇటీవలే ఇండియా టుడే-సీ ఓటర్ నిర్వహించిన సర్వేలో వైసీపీ అనుకూల ఫలితాలు రాగా, తాజాగా టైమ్స్ నౌ మీడియా సంస్థ నిర్వహించిన సర్వేలోనూ జగన్ హవా స్పష్టమైంది.
ఆగస్టు 15 వరకు టైమ్స్ నౌ జరిపిన సర్వే ప్రకారం.... ఇప్పటికిప్పుడు ఎన్నికలు జరిగితే లోక్ సభ ఎన్నికల్లో వైసీపీ 17 నుంచి 23 సీట్లు గెలుచుకుంటుంది. ఇటీవల వచ్చిన ఇండియా టుడే సర్వేలో వైసీపీకి 18 సీట్లు వస్తాయని పేర్కొన్నారు. ఇండియా టీవీ సర్వే ప్రకారం వైసీపీకి 19 ఎంపీ స్థానాలు వస్తాయని వెల్లడించారు. దేశంలో ది బెస్ట్ సీఎంలలో వైఎస్ జగన్ ఐదో స్థానంలో ఉన్నారు. ఇక, టైమ్స్ నౌ తెలంగాణలో నిర్వహించిన సర్వేలో టీఆర్ఎస్ కు 6 నుంచి 10 ఎంపీ స్థానాలు వస్తాయని వివరించారు.
|
|