ఓటీటీలోకి వచ్చేసిన 'మహావతార్ నరసింహ'
cinema | Suryaa Desk | Published : Fri, Sep 19, 2025, 08:15 PM
చిన్న యానిమేటెడ్ సినిమాగా వచ్చి భారీ విజయాన్ని సొంతం చేసుకున్న 'మహావతార్ నరసింహ' ఓటీటీలోకి వచ్చేసింది. ఇండియన్ సినిమా ఈ ఏడాదిలో డెలివర్ చేసిన పలు హిస్టారికల్ సెన్సేషనల్ హిట్ చిత్రాల్లో “మహావతార్ నరసింహ” కూడా ఒకటి. దర్శకుడు అశ్విన్ కుమార్ తెరకెక్కించిన ఈ యానిమేషన్ చిత్రాలు ఎలాంటి పాన్ ఇండియా స్టార్స్ ప్రెజెన్స్ లేకపోయినప్పటికీ సాలిడ్ ఎమోషన్స్ సహా గ్రాండ్ విజువల్స్ తో వచ్చి ఫ్యామిలీ ఆడియెన్స్ ని థియేటర్స్ కి రప్పించింది. ఇలా భారీ మొత్తం 300 కోట్లకి పైగా వసూళ్లు సొంతం చేసుకున్న ఈ సినిమా ఎట్టకేలకి ఓటిటిలో స్ట్రీమింగ్ కి వచ్చేసింది.మరి ఈ సినిమాని దిగ్గజ స్ట్రీమింగ్ యాప్ నెట్ ఫ్లిక్స్ సొంతం చేసుకున్నట్టుగా నిన్ననే ఒక సర్ప్రైజ్ అనౌన్సమెంట్ చేయగా నేటి నుంచి ఈ సినిమా నెట్ ఫ్లిక్స్ లో తెలుగు సహా ఇతర పాన్ ఇండియా భాషల్లో అందుబాటులోకి వచ్చేసింది. మరి ఓటిటిలో ఈ చిత్రం ఎలాంటి సంచలనం సెట్ చేస్తుందో చూడాల్సిందే. ఇక ఈ చిత్రానికి సామ్ సి ఎస్ ఒక అద్భుతమైన మ్యూజిక్ ఆల్బమ్ ని అందించగా క్లీం ప్రొడక్షన్స్ వారు నిర్మాణం వహించారు.
|
|