అవకాశాల కోసం అనుపమ ఎదురు చూపు.....!
cinema | Suryaa Desk | Published : Fri, Sep 20, 2019, 03:01 PM
ప్రేమమ్ చిత్రంలో టీనేజ్ సుందరిగా అలరించిన అనుపమ పరమేశ్వరన్ ఆ తర్వాత తెలుగు చిత్ర సీమలో బాగానే బిజీ అయింది. వేగంగా చాలా చిత్రాల్లో నటించేసిన అనుపమ చాలా మంది హీరోయిన్లలానే సరయిన ప్లానింగ్ లేక పరాజయాలు కొని తెచ్చుకుంది. వరుస పరాజయాల తర్వాత రాక్షసుడుతో కాస్త ఊరట లభించింది. అయితే ఆ చిత్రంలో అనుపమ కాకుండా ఎవరు నటించినా రిజల్ట్లో మార్పేమీ వుండదు కనుక ఆ విజయాన్ని ఎవరూ లెక్క చేయడం లేదు. గత ఏడాది తీరిక లేకుండా సినిమాలు చేసిన అనుపమ ఇప్పుడు అవకాశాల కోసం ఎదురు చూసే పరిస్థితి వచ్చింది. తనకి ఎవరూ అవకాశాలు ఇవ్వడం లేదని ఇండస్ట్రీకి, మీడియాకి తానొకదాన్ని వున్నానని గుర్తు చేయడానికి ఇన్స్టాగ్రామ్లో ఎడా పెడా ఫోటోలు పోస్ట్ చేస్తోంది. హీరోయిన్ల కొరత బాగా వున్న టైమ్లో కూడా నిర్మాతలు ఆమెని కన్సిడర్ చేయడం లేదు. ఆమె హీరోయిన్ అయితే ఫ్లాప్ లుక్ వస్తుందనే ఫీలింగ్ కూడా ఇండస్ట్రీలో బలపడిపోవడంతో అనుపమ ఖాళీగా కూర్చోక తప్పడం లేదు. మలయాళ చిత్ర సీమలో క్రేజ్ వుండగా, తెలుగునాట త్వరగా పెద్ద రేంజ్కి వెళ్లవచ్చునని ఇటు మకాం మార్చిన అనుపమ ఇప్పుడు మాతృభాష వైపే తిరిగి చూడాల్సిన పరిస్థితి వచ్చింది.
|
|