దుమ్ము రేపుతోన్న 'మిరాయ్' కలెక్షన్స్

యంగ్ హీరో తేజ సజ్జా(Teja Sajja) ప్రధాన పాత్రలో నటించిన ఫాంటసీ డ్రామా మిరాయ్ ప్రపంచవ్యాప్తంగా ఘనవిజయం సాధించింది. ఈ సినిమా ఇప్పుడు నార్త్ అమెరికాలో $3 మిలియన్ కలెక్షన్ల మైలురాయికి చేరువలో ఉంది.శనివారం ఒక్క రోజులో అమెరికా, కెనడాల్లో కలిసి మిరాయ్ $55 వేల డాలర్ల గ్రాస్ వసూళ్లు నమోదు చేసింది. దీంతో ఇప్పటివరకు మొత్తం $2.98 మిలియన్ల గ్రాస్ కలెక్ట్ చేసింది.ఆదివారం నాటికి ఈ చిత్రం $3 మిలియన్ క్లబ్‌లో చేరనుంది. ఈ సూపర్ సక్సెస్ తో తేజ సజ్జా టాలీవుడ్‌లో ప్రభాస్, ఎన్టీఆర్‌ల తర్వాత వరుసగా రెండు సినిమాలతో $3 మిలియన్ మార్క్ అందుకున్న మూడో హీరోగా నిలిచాడు. ఇది ఆయన కెరీర్‌లో ఓ బిగ్గెస్ట్ హిట్ అని చెప్పుకోవచ్చు.ప్రపంచవ్యాప్తంగా కూడా మిరాయ్ దూసుకెళ్తోంది. ఇప్పటికే ₹150 కోట్లు వసూలు దిశగా ముందుకెళ్తోంది. ఈ సినిమాతో తేజ సజ్జా సక్సెస్ ఫుల్ హీరోగా తన స్థానం బలపరచుకున్నాడు. చిన్న హీరోగా పేరు తెచ్చుకున్న తేజ ఇప్పుడు పెద్ద హీరోల సరసన నిలిచాడు.ఈ చిత్రంలో మంచు మనోజ్, ఋతికా నాయక్, శ్రియా శరన్, జగపతి బాబు తదితరులు కీలక పాత్రల్లో నటించారు. కర్తీక్ ఘట్టమనేని దర్శకత్వం వహించగా, ప్రముఖ నిర్మాత టీజీ విశ్వ ప్రసాద్ ఈ సినిమాను నిర్మించారు. భారీ విజువల్స్, స్ట్రాంగ్ ఎమోషన్స్, థ్రిల్లింగ్ స్క్రీన్‌ప్లే మిరాయ్ సినిమాకు హైలైట్‌గా నిలిచాయి.ఈ విజయంతో తేజ సజ్జా క్రేజ్ మరింత పెరిగింది. మిరాయ్ టాలీవుడ్‌లోనే కాకుండా ఓ పాన్ ఇండియా విజయం సాధించిన సినిమా అని చెప్పొచ్చు. ఈ సూపర్ హిట్ తో తేజ తదుపరి ప్రాజెక్ట్‌పై కూడా భారీ అంచనాలు ఏర్పడ్డాయి. మరి మిరాయ్ ఇంకా ఎన్ని రికార్డులు సృష్టిస్తుందో చూడాలి.