తమన్నాని వదలలేకపోతున్న డైరెక్టర్...!
cinema | Suryaa Desk | Published : Tue, Sep 24, 2019, 01:56 PM
'రచ్చ' సినిమాలో తొలిసారిగా తమన్నాని డైరెక్ట్ చేసిన సంపత్ నంది ఆ తర్వాత 'బెంగాల్ టైగర్'లో కూడా తమన్నా వుండాల్సిందేనని పట్టుబట్టాడు. అప్పటికి బాహుబలి ఓకే అవడంతో తమన్నా భారీ పారితోషికం డిమాండ్ చేసినా కానీ నిర్మాతని ఒప్పించి మరీ తమన్నానే పెట్టుకున్నాడు. ఇప్పుడు తమన్నాకి అంత క్రేజ్ లేకపోయినా, ఆమె నటించిన సినిమాల్లో చాలా వరకు మిస్ఫైర్ అవుతున్నా, బాహుబలి తర్వాత ఆమెకి ఎలాంటి క్రేజ్ రాకపోయినా మరోసారి తననే తన కొత్త సినిమాలో హీరోయిన్గా ఖరారు చేసుకున్నాడు. గోపిచంద్తో సంపత్ నంది సినిమా కన్ఫర్మ్ అయింది. ఇంతకుముందు వీరిద్దరి కాంబినేషన్లో వచ్చిన 'గౌతమ్ నంద' ఫ్లాపయినా కానీ గోపీచంద్ మరోసారి సంపత్కి ఛాన్స్ ఇచ్చాడు. ఇందులో కూడా తమన్నా హీరోయిన్ అనడంతో సంపత్నందికి ఆమె అంటే అంత పిచ్చి దేనికనే డిస్కషన్ ఇండస్ట్రీలో జరుగుతోంది. తమన్నాకి 'సైరా'లో అయితే మంచి క్యారెక్టర్ దక్కినట్టే వుంది. ట్రెయిలర్లో ఆమెకి చాలా ఇంపార్టెన్స్ వున్నట్టు చూపించారు. తాజాగా విడుదల చేసిన లిరికల్ వీడియోలో కూడా తమన్నా హైలైట్ అయింది. ఈ చిత్రం రిలీజ్ అయితే తమన్నాకి మళ్లీ అవకాశాలు పెరుగుతాయనే భావన చాలామందిలో వుంది. బహుశా ఈ విషయం చెప్పి తన నిర్మాతని సంపత్ కన్విన్స్ చేసినట్టున్నాడు.
|
|