‘శంబాల.. ఏ మిస్టిక్ వరల్డ్’ ట్రైలర్ విడుదల
cinema | Suryaa Desk | Published : Sat, Nov 01, 2025, 05:10 PM
హీరో ఆది సాయికుమార్ ప్రధాన పాత్రలో నటిస్తున్న తాజా చిత్రం ‘శంబాల.. ఏ మిస్టిక్ వరల్డ్’. సూపర్ నాచురల్ హారర్ థ్రిల్లర్గా తెరకెక్కుతున్న ఈ సినిమా నుంచి మేకర్స్ తాజాగా ట్రైలర్ను విడుదల చేశారు. ఉత్కంఠభరితమైన సన్నివేశాలతో కూడిన ఈ ట్రైలర్ సినిమాపై అంచనాలను పెంచుతోంది. ఇప్పటికే షూటింగ్ పూర్తి చేసుకున్న ఈ చిత్రాన్ని డిసెంబర్ 25న క్రిస్మస్ కానుకగా ప్రేక్షకుల ముందుకు తీసుకురానున్నట్లు ప్రకటించారు.ట్రైలర్ను గమనిస్తే, "కొన్ని వేల సంవత్సరాల క్రితం పరమశివుడికి, అసురుడికి మధ్య జరిగిన భీకర యుద్ధం ఈ కథకి మూలం" అంటూ నటుడు సాయికుమార్ గంభీరమైన వాయిస్ ఓవర్తో ప్రారంభమైంది. ఆకాశం నుంచి ఓ ఉల్క లాంటి రాయి భూమిపై ఒక గ్రామంలో పడటం, ఆ తర్వాత నుంచి అక్కడి ప్రజలు వింతగా ప్రవర్తించడం వంటి అంశాలు కథలో కీలకమైనవిగా తెలుస్తోంది.ఈ చిత్రంలో ఆది సాయికుమార్ ఒక భౌగోళిక శాస్త్రవేత్త (జియాలజిస్ట్) పాత్రలో కనిపించనున్నారు. ఆ ఊరిలో జరుగుతున్న వింత పరిణామాల వెనుక ఉన్న రహస్యాన్ని ఛేదించి, ప్రజలను ఎలా కాపాడారనేదే ఈ సినిమా కథాంశం. తన కెరీర్లో ఇదొక ఛాలెంజింగ్ పాత్ర అని తెలుస్తోంది.యుగంధర్ ముని దర్శకత్వం వహిస్తున్న ఈ చిత్రంలో అర్చన అయ్యర్, స్వాసిక్ హీరోయిన్లుగా నటిస్తున్నారు. రాజశేఖర్ అన్నభీమోజు, మహీధర్ రెడ్డి సంయుక్తంగా ఈ చిత్రాన్ని నిర్మిస్తున్నారు.
|
|