పవన్ కళ్యాణ్తో వేణుమాధవ్ కి ప్రత్యేక అనుబంధం
cinema | Suryaa Desk | Published : Wed, Sep 25, 2019, 08:46 PM
అందరి కంటే పవర్ స్టార్ పవన్ కళ్యాణ్తో వేణుమాధవ్ కి ప్రత్యేక అనుబంధం. ఇద్దరికీ ఒకే సమయంలో స్టార్ డమ్ వచ్చిందని చెప్పాలి. సంప్రదాయం సినిమా ద్వారా వేణుమాధవ్ తెరంగేట్రం చేసినా.. తొలిప్రేమ సినిమా అతడిని స్టార్ కమెడియన్ని చేసింది. పవన్ కళ్యాణ్, వేణుమాధవ్ కలిసి నటించిన సినిమాల్లో బ్లాక్ బస్టర్ హిట్స్ ఉన్నాయి. పవన్ కళ్యాణ్ రెండో చిత్రం గోకులంలో సీత సినిమాలో వారిద్దరూ తొలిసారి కలసి నటించారు. పవన్ కళ్యాణ్ సినీ కెరీర్లో మైలురాళ్లు లాంటి సుస్వాగతం, తొలిప్రేమ, తమ్ముడు చిత్రాల్లోనూ వేణుమాదవ్ నటించాడు. గుడుంబాశంకర్, బంగారం, అన్నవరం సినిమాల్లో కూడా పవన్ కళ్యాణ్, వేణుమాధవ్ వెండితెరను పంచుకున్నారు. అయితే, వారిద్దరి మధ్య ఓ ఒప్పందం ఉందట. పవన్ కళ్యాణ్కు వ్యవసాయం అంటే ఎంతో ఇష్టం. స్వయంగా వ్యవసాయం చేస్తారు. పశుసంపదను పోషిస్తారు. వేణుమాధవ్ కూడా ఇండస్ట్రీలో సంపాదించిన డబ్బుతో తన సొంతూరులో పదెకరాలు పొలం కొని వ్యవసాయం చేసేవారట. ఈ విషయం తెలుసుకున్న పవన్ కళ్యాణ్.. ఆ పొలంలో పండిన దాంట్లో ప్రతి ఏటా ఓ బస్తా బియ్యం తనకు పంపాలని కోరారట. అందుకు ఓకే చెప్పిన వేణుమాధవ్ ప్రతి ఏటా బస్తా బియ్యం పంపుతున్నారు. పవన్ కళ్యాణ్ కూడా తన తోటలో పండిన పండ్లను వేణుమాధవ్కి పంపేవారు.
|
|