`ప్యారిస్ ఫ్యాషన్ వీక్ లో విశ్వసుందరి

అందం చందంలోనే కాదు.. ఫ్యాషన్ ఎలివేషన్ లోనూ ఐశ్వర్యారాయ్ స్టైల్ ఎంతో ప్రత్యేకం. విశ్వసుందరి గా ప్రపంచవ్యాప్తంగా అభిమానుల్ని సంపాదించిన ఐష్.. 1994లో కిరీటం అందుకున్నది మొదలు బాలీవుడ్ లో కథానాయికగానూ గొప్పగా రాణించింది. భారతదేశానికి ప్రపంచ వేదికలపై గుర్తింపు తీసుకు వచ్చిన గొప్పనటిగా పేరు తెచ్చుకుంది. కేన్స్ ఫిలింఫెస్టివల్ సహా ప్రపంచ సినీ వేదికలకు ఎటెండ్ అయ్యి .. హాలీవుడ్ లోనూ నటించి భారతీయతకు గొప్ప గుర్తింపును తెచ్చింది. తాజాగా ఫ్రెంచి రాజధాని ప్యారిస్ లో జరిగిన `ప్యారిస్ ఫ్యాషన్ వీక్ 2019` వేడుకల్లో ఐష్ ర్యాంప్ వాక్ చేసింది. ఈ వేదికపై ఐష్ డిజైనర్ లుక్ గురించి యూత్ లో ఆసక్తికర చర్చ సాగింది. ఫ్లోరల్ డిజైనర్ డ్రెస్ లో ఐష్ అదరగొట్టింది. దీనిని జిమ్ బటిస్టవల్లీ అనే ప్రఖ్యాత డిజైనర్ రూపొందించారు. క్యాండీ పింక్.. ఆరెంజ్ ఫ్లోరల్ ప్రింట్ తో ఆ డ్రెస్ ఈవెంట్ కే హైలైట్ గా నిలిచింది. ఐష్ పఫ్ స్లీవ్స్ .. ఫ్రాకు అంచుకు ఉన్న కుచ్చులు హైలైట్. ఇక ఆ ఫెదర్ షూస్ కాంబినేషన్.. వేళ్లకు బ్లూ డైమండ్ రింగ్స్ ధరించి ఐష్ బులుగు దేవతను తలపించింది. ఆ కళ్లకు పింక్ అండ్ బ్లాక్ ఐ లైనర్స్ .. పర్పుల్ ఐ షాడో ..భారీగా మస్కారా ఆకట్టుకున్నాయి. కాంబినేషన్ గా డీప్ రెడ్ లిప్ స్టిక్ తో అదరగొట్టింది. ఐష్ హెయిర్ స్టైల్  సంథింగ్ స్పెషల్ గా కనిపించింది. ఇదో తరహా ప్రయోగాత్మక మేకప్ అనే చెప్పాలి. ఐశ్వర్యారాయ్ బచ్చన్ దెబ్బకు ప్యారిస్ షేక్ అయ్యిందనే చెప్పాలి. ర్యాంప్ వాక్ లో బ్లోయింగ్ అనిపించే కిస్సులతో అదరగొట్టింది. ఫ్యాషన్ ఈవెంట్లో షో స్టాపర్ గా నిలిచింది. ప్రముఖ హాలీవుడ్ నటి ఇవా లాంగోరియాతో కలిసి ఐష్ ఇచ్చిన ఫోజులు జోరుగా వైరల్ అవుతున్నాయి.