శ్రీనువైట్ల ప్రయత్నాలు సక్సెస్ అయ్యేనా...!
cinema | Suryaa Desk | Published : Mon, Sep 30, 2019, 02:26 PM
దర్శకుడు శ్రీనువైట్ల 'దూకుడు' అప్పటి నుండి సక్సెస్ కోసం ప్రయత్నాలు చేస్తూనే ఉన్నాడు. దూకుడు చిత్రం తర్వాత వరుసగా అయిదు అట్టర్ ఫ్లాప్ చిత్రాలను తీశాడు. సాదారణంగా ఒక దర్శకుడు రెండు లేదా మూడు ఫ్లాప్ లు తీస్తే కనిపించకుండా పోతాడు. కాని శ్రీనువైట్ల మాత్రం తన ప్రయత్నాలు కొనసాగిస్తున్నాడు. గత ఏడాది రవితేజతో 'అమర్ అక్బర్ ఆంటోనీ' చిత్రాన్ని చేసిన శ్రీనువైట్ల మరో సినిమాను చేసేందుకు రెడీ అవుతున్నట్లుగా సమాచారం అందుతోంది. ఇటీవల ఈ దర్శకుడు ఒక కథతో బెల్లంకొండ శ్రీనివాస్ ను ఒప్పించాడట. బెల్లంకొండ సురేష్ కూడా కథకు గ్రీన్ సిగ్నల్ ఇచ్చాడని సమాచారం అందుతోంది. ఈ ప్రాజెక్ట్ ను నిర్మించేందుకు ఏ నిర్మాత ముందుకు వస్తాడా అంటూ ఆసక్తిగా ఎదురు చూస్తున్నారు. బెల్లంకొండ సురేష్ తనకున్న పలుకుబడితో ఒక కొత్త నిర్మాతను రంగంలోకి దించే అవకాశాలు కనిపిస్తున్నాయి. శ్రీనువైట్ల మూవీ అంటే ఎంటర్ టైన్ మెంట్ ను ప్రేక్షకులు ఆశిస్తారు. ఆ ఎంటర్ టైనర్ గానే సినిమా ఉంటుందేమో చూడాలి. బెల్లంకొండ శ్రీనివాస్ ఈ ఏడాది రెండు సినిమాలతో ప్రేక్షకుల ముందుకు వచ్చాడు. సీత యావరేజ్ గా టాక్ దక్కించుకుంది.. రాక్షసుడు చిత్రం మాత్రం మంచి విజయాన్ని సొంతం చేసుకుంది. ముఖ్యంగా రాక్షసుడు చిత్రంలో బెల్లంకొండ నటనకు మంచి మార్కులు పడ్డాయి. బెల్లంకొండకు రాక్షసుడు మొదటి సక్సెస్ అనుకోవాలి. ఇలాంటి సమయంలో శ్రీనువైట్లతో సినిమాకు ఇతడు కన్ఫర్మ్ అవ్వడం కాస్త షాకింగ్ గా ఉంది. మరో సక్సెస్ కోసం తీవ్రంగా ప్రయత్నాలు చేస్తున్న శ్రీనువైట్ల ఈసారైనా సక్సెస్ అయ్యేనో చూడాలి.
|
|