ఈ వారం బిగ్ బాస్ షాక్ ఎవరి ఇవ్వబోతున్నాడో ?
cinema | Suryaa Desk | Published : Sat, Oct 26, 2019, 02:17 PM
మరో రెండు రోజుల్లోనే బిగ్ బాస్ షో పూర్తి కానుంది. ఈ వారంతోనే మూడో సీజన్ ముగిసిపోనుంది. నాగార్జున మరో రెండు రోజుల్లోనే విజేత ఎవరో అనౌన్స్ చేయబోతున్నాడు. ఇప్పటికే రాహుల్ సిప్లిగంజ్ ఈ సీజన్లో ఫైనల్ చేరిన తొలి కంటెస్టెంట్గా చరిత్ర సృష్టించాడు. ఇక ఇప్పుడు రెండో వాడిగా బాబా భాస్కర్ నిలిచాడు. అందర్నీ సూట్ కేసులు సర్దుకోమని అర్ధరాత్రి ఆర్డర్ ఇచ్చిన బిగ్ బాస్.. అలీ రెజా, శ్రీముఖి, శివ జ్యోతి, వరుణ్ సందేశ్లను పక్కనబెట్టి బాబా భాస్కర్ను సేఫ్ చేసారు ప్రేక్షకులు. ఇదే ఇప్పుడు అనౌన్స్ చేసాడు బిగ్ బాస్. ఈ వారం బాబ సేఫ్ కావడంతో మరో నలుగురు డేంజర్ జోన్లో ఉన్నారు. శ్రీముఖి సేఫ్ అవుతుందని అంతా అనుకున్నా కూడా ఊహించని విధంగా బాబాకు ఛాన్సిచ్చారు ఆడియన్స్. దాంతో మిగిలిన నలుగురులో ఎవరు బయటికి వచ్చేస్తారనేది ఆసక్తికరంగా మారిపోయింది. ప్రస్తుతం వినిపిస్తున్న సమాచారం ప్రకారం అలీ రెజా ఎలిమినేట్ అవుతాడనేది తెలుస్తుంది. మధ్యలో మూడు వారాలు బయటికి వెళ్లిరావడం.. వైల్డ్ కార్డ్ నుంచి రావడంతో అలీని ఎలిమినేట్ చేస్తున్నారని ప్రచారం జరుగుతుంది. మొత్తానికి చూడాలిక.. బిగ్ బాస్ మూడో సీజన్ విజేత ఎవరనేది మరో రెండు రోజుల్లోనే తేలనుంది.
|
|