మనిషి రూపంలో వచ్చిన దేవుడు ఆయన: నిఖిల్
cinema | Suryaa Desk | Published : Sat, Dec 14, 2019, 02:30 PM
నిఖిల్ తాజా చిత్రం `అర్జున్ సురవరం` మంచి హిట్ అందుకుంది. నిఖిల్ తన అభిమాన హీరో మెగాస్టార్ చిరంజీవిని మనిషి రూపంలోని దేవుడు అంటూ ఆకాశానికెత్తేస్తున్నాడు. ఈ సినిమా 14 రోజుల్లో రూ.21.6 కోట్లను రాబట్టుకుంది. సినిమా సక్సెస్ సాధించిన నేపథ్యంలో నిఖిల్ మాట్లాడుతూ ``ఇలాంటి సంతోషకరమైన రోజు సినిమాకు వస్తుందని అనుకోలేదు. సినిమా విడుదల పలుమార్లు వాయిదా పడినప్పటికీ.. ఏదైనా మనమంచికే అన్నట్లు ఫైనల్ గా మంచి సక్సెస్ ను అందుకున్నాం. 14 రోజుల్లో వరల్డ్వైడ్గా రూ.21.6 కోట్ల గ్రాస్ రాబట్టి థ్రిల్లింగ్ బ్లాక్బస్టర్ గా నిలిచింది. నిర్మాతలు, డిస్టిబ్యూటర్స్ ఫుల్ హ్యాపీ. ఇంతటి ఘన విజయానికి ప్రధానంగా మూడు కారణాలు. మొదటి కారణమైన మెగాస్టార్ చిరంజీవి గారికి థ్యాంక్స్. మా సినిమాకి హెల్ప్ చేయడానికి మనిషి రూపంలో వచ్చిన దేవుడు ఆయన. ఈ సినిమాకు తొలి ఆడియన్, రివ్యూవర్, ప్రమోటర్ చిరంజీవి గారే. ఆయన వల్లే ప్రేక్షకులు మా సినిమాకు వచ్చారు. విజయానికి రెండో కారణం సినిమాను ప్రేక్షకులకు చేరువ చేసిన మీడియా. మూడో కారణం కోట్లు పెట్టినా రాని పబ్లిసిటీని తమ వర్డ్ ఆఫ్ మౌత్ తో మా సినిమాకు అందించిన ప్రేక్షకులు. మూడో వారంలో కూడా మా సినిమా ఆడుతోందంటే కారణం ప్రేక్షకులే. దర్శకుడు సంతోష్ తో త్వరలో మరో సినిమా చేయాలనుకుంటున్నాను. అద్భుతంగా నటించడమే కాదు ప్రమోషన్స్ లోను లావణ్య చాలా కోపరేట్ చేసింది`` అన్నారు.
|
|