'రూలర్' సెకండ్ డే కలెక్షన్స్ !

బాలయ్య శుక్రవారం రూలర్‌ సినిమాతో ప్రేక్షకుల ముందుకు వచ్చాడు. అయితే ఈ సినిమా కూడా ఆడియన్స్‌ను తీవ్రంగా నిరాశపరిచింది. దీంతో రూలర్‌ వసూళ్లు ఏ స్థాయిలో ఉన్నాయో తెలుసుకునేందుకు ప్రేక్షకులు ఆసక్తికనబరుస్తున్నారు. కేయస్‌ రవికుమార్‌ దర్శకత్వంలో తెరకెక్కిన రూలర్‌ సినిమాకు తొలి షో నుంచే దారుణమైన టాక్‌ వచ్చింది. పాత చింతకాయ పచ్చడి లాంటి కథా కథనాలు. ఏ మాత్రం ఆకట్టుకోని బాలయ్య లుక్స్.. ఇలా అన్ని కలిసి సినిమాను భరించలేనట్టుగా తయారు చేశాయి. ఎన్టీఆర్‌ బయోపిక్‌ రిజల్ట్‌తో బాధలో ఉన్న నందమూరి అభిమానులను ఈ సినిమా మరింత నిరాశపరిచింది. అయితే టాక్‌తో సంబంధం లేకుండా రూలర్‌ తొలిరోజు మంచి వసూళ్లనే రాబట్టింది. బాలయ్యకు ఉన్న మాస్‌ ఫాలోయింగ్‌ కారణంగా తొలి రోజు థియేటర్లు కళకళలాడాయి. లాంగ్ గ్యాప్ తరువాత బాలయ్య నుంచి వచ్చిన కమర్షియల్ సినిమా కావటంతో ఆడియన్స్‌లో అంచనాలు భారీగా ఉన్నాయి. అందుకు తగ్గట్టుగా తొలిరోజు 4.5 నుంచి 5 కోట్ల వరకు వసూళ్లు వచ్చినట్టుగా అంచనా వేస్తున్నారు. అయితే అధికారిక లెక్కలు మాత్రం ఇంకా వెలువడలేదు.

ఇక మొదటి రోజు మంచి ఓపెనింగ్స్ రాబట్టుకున్న రెండవ రోజు మాత్రం బాడ్ టాక్ వలన పెద్దగా ఆ ఓపెనింగ్స్ స్థాయి కలెక్షన్స్ ని సెకండ్ డే కంటిన్యూ చేయలేకపోయింది. ఆంధ్ర - తెలంగాణాలో 21.5 కోట్లకి అమ్ముడు పోయిన రూలర్ సినిమా మొదటి రోజు 4.40 కోట్ల షేర్ తో సూపర్బ్ అనిపించుకుంటే, రెండవ రోజు కేవలం కోటి రూపాయల షేర్ మాత్రమే సాధించి బాక్స్ ఆఫీస్ వద్ద డీలా పడిపోయింది. దీన్నీ బట్టే చెప్పచ్చు సెకండ్ డే రూలర్ కి భారీగా డ్రాప్స్ వచ్చాయని చెప్పవచ్చు.

'రూలర్' రెండు రోజుల ఆంధ్ర - తెలంగాణ కలెక్షన్స్:

నైజాం- 1.01 కోట్లు

సీడెడ్- 1.38 కోట్లు

గుంటూరు- 1.42 కోట్లు

ఉత్తరాంధ్ర- 44 లక్షలు

తూర్పు గోదావరి- 35 లక్షలు

పశ్చిమ గోదావరి- 30 లక్షలు

కృష్ణా- 26 లక్షలు

నెల్లూరు- 27 లక్షలు 

రెండు రోజుల మొత్తం షేర్- 5.43కోట్లు