జోరు మీదున్న శీరత్ కపూర్
cinema | Suryaa Desk | Published : Fri, Dec 29, 2017, 03:13 PM
తెలుగు తెరపై కథానాయికలుగా రకుల్ .. రాశి ఖన్నా .. కీర్తి సురేశ్ .. నివేదా థామస్ .. అనూ ఇమ్మాన్యుయేల్ .. అనుపమ పరమేశ్వరన్ .. వరుస అవకాశాలను దక్కించుకుంటూ దూసుకుపోతున్నారు. ఈ క్రమంలో 'రన్ రాజా రన్' సినిమాతో తెలుగు తెరకి పరిచయమైన శీరత్ కపూర్, తొలి సినిమాతోనే సక్సెస్ ను అందుకుంది. ఆ తరువాత అమ్మాయి కాస్త సైలెంట్ గా కనిపించినా, ఇప్పుడిప్పుడే దూకుడు పెంచుతోంది.
'రాజుగారి గది 2' .. 'ఒక్క క్షణం' సినిమాలతో యూత్ ను మరింతగా ఆకట్టుకున్న ఈ సుందరి, త్వరలో 'టచ్ చేసి చూడు' సినిమాతో ప్రేక్షకులను పలకరించనుంది. ఆ తరువాత సినిమాను రవికాంత్ పేరెపు దర్శకత్వంలో చేయనున్న శీరత్ కపూర్, తాజాగా మరో డైరెక్టర్ కి గ్రీన్ సిగ్నల్ ఇచ్చేసినట్టు సమాచారం. కథ .. మాటల రచయితగా మంచి పేరు తెచ్చుకున్న శ్రీధర్ సీపాన, ఓ సినిమాను తెరకెక్కించనున్నాడు. కథానాయిక ప్రాధాన్యత కలిగిన ఈ సినిమా కోసం ఆయన శీరత్ కపూర్ ను సంప్రదించడం .. ఆమె ఓకే చెప్పేయడం జరిగిపోయాయట. త్వరలోనే పూర్తి వివరాలు తెలియనున్నాయి.
|
|