చమకు చమకు ఛాం..’ అంటున్న తేజు..
cinema | Suryaa Desk | Published : Fri, Dec 29, 2017, 03:03 PM
మెగా స్టార్ చిరంజీవి పేరు చెప్పుకొని మెగా ఎంట్రీ ఇచ్చిన మెగా హీరోలంతా ఇప్పుడు చిరంజీవి పాటలను కూడా వాడుకుంటూ మరింతగా పాపులర్ అవుతున్నారు. మెగా పవర్ స్టార్ రామ్ చరణ్ ‘మగధీర’ చిత్రంలో ‘బంగారుకోడిపెట్ట’, ‘రచ్చ’లో ‘వానా వానా వెల్లువాయే’, ‘నాయక్’లో ‘శుభలేక రాసుకున్నా..’ పాటలను వాడుకుంటే…సాయి ధరమ్ తేజ్ ‘గోలీమార్..’, ‘గువ్వ గోరింక’, ‘అందం హిందోళం’ పాటలను వాడుకున్నాడు. తాజాగా మరోసారి మరో పాటను రీమేక్ చేయబోతున్నాడు.
1990లో చిరంజీవి నటించిన ‘కొండవీటి దొంగ’ చిత్రంలోని ఓ సూపర్ హిట్ పాటను ధరమ్ తేజ్ తన చిత్రంలో రీమేక్ చేయనున్నట్లు తెలుస్తుంది. ప్రస్తుతం వి.వి. వినాయక్ దర్శకత్వంలో తేజు ఓ సినిమా చేస్తున్నాడు. ఇందులో ‘చమకు చమకు ఛాం..’ పాటను రీమేక్ చేయనున్నట్లు వినికిడి. ఈ సినిమాలో ధరమ్ తేజ్కు జోడీగా లావణ్య త్రిపాఠి నటిస్తున్నారు. సి.కల్యాణ్ నిర్మాతగా వ్యవహరిస్తున్నారు. 2018 ఫిబ్రవరి 9న ఈ మూవీ ప్రేక్షకుల ముందుకు రాబోతుంది.
|
|