గ్రామీ అవార్డ్స్ భర్త నిక్ జోనాస్ తో కలిసి ప్రియాంక
cinema | Suryaa Desk | Published : Mon, Jan 27, 2020, 05:26 PM
ఈమధ్య గ్రామీ అవార్డ్స్ వేడుక జరిగింది. ఈ కార్యక్రమానికి ఎప్పటిలాగానే భర్త నిక్ జోనాస్ తో కలిసి హాజరైంది గ్లోబల్ నటి ప్రియాంక చోప్రా. ఈ సందర్భంగా భర్తతో కలిసి తీయించుకున్న ఫోటోను తన ఇన్స్టా ఖాతా ద్వారా అభిమానులతో షేర్ చేసుకుంది. ఈ ఫోటోలో నిక్ సూటుబూటులో దొరబాబులా నిలుచుంటే.. ప్రియాంక పొడవాటి డిజైనర్ డ్రెస్ లో హొయలుపోయింది. వీ నెక్ లు చాలానే ఉంటాయి కానీ వీనాభి నెక్. అనుమానం లేదు ఇది కొత్తపదమే. వీ నెక్ ను నాభి వరకూ సాగదీస్తే వీ-నాభి నెక్! అమెరికా డిజైనర్లు కదా.. మనకంటే పెద్ద కళాపోషకులు. ఇక ఈ డ్రెస్ కు వెనక వేలాడే దారాలు.. డ్రెస్ మాత్రం చాలా హాట్ గా ఉంది. ప్రియాంక ఆ డ్రెస్సును ఏమాత్రం మొహమాటం లేకుండా ధరించి అందాలను వడ్డించింది. ఈ ఫోటోకి లక్షల్లో.. మిలియన్లలో లైకులు వచ్చాయి. కరెక్ట్ గా చెప్పుకుంటే 1.4 మిలియన్ లైక్స్. ఇంట్రెస్టింగ్ కామెంట్లు కూడా పెట్టారు. “గ్రామీ ఈవెంట్ లో స్పెషల్ మీరే”.. “నిక్ పై ఫోకస్ చేయడం కష్టంగా ఉంది”.. “సూపర్ హాట్ కపుల్” అని కామెంట్స్ చేశారు నెటిజన్స్.
|
|