జబర్దస్త్ షోకు నాగబాబు రీ ఎంట్రీ..?

తెలుగునాట జబర్దస్త్ కామెడీ షో సృష్టించిన సంచలనం అంతాఇంతా కాదు... అయితే గత కొంతకాలంగా దాని చుట్టూ పలు వివాదాలు ముసురుకుంటున్నాయి... నాగబాబు బయటికి వచ్చిన తర్వాత నిర్వహకులపై కొన్ని కామెంట్స్ చేసిన విషయం విదితమే.... నాగబాబు వెళ్లిపోయిన తర్వాత ఎందుకో తెలియదు కానీ ఒక కళ అయితే తప్పింది. రోజా ఉన్నా కూడా నాగబాబు లేని లోటు మాత్రం అలాగే ఉండిపోయింది. ఆ నవ్వులు జబర్దస్త్ అభిమానులు బాగానే మిస్ అవుతున్నారు. వేణుతో పాటు ధనరాజ్, చమ్మక్ చంద్ర లాంటి టీమ్స్ చాలా మంది ఉన్నా కూడా ఎందుకో అదిరింది షోకు అనుకున్న రేటింగ్ అయితే రావడం లేదు. దాంతో ఇప్పుడు అక్కడ్నుంచి బయటపడాలని నాగబాబు ఆలోచిస్తున్నట్లు తెలుస్తుంది. ఇదే సమయంలో ఇప్పుడు జబర్దస్త్ కమెడియన్ గెటప్ శ్రీను సంచలన నిజాలు చెప్పాడు. తాజాగా సుడిగాలి సుధీర్, రాంప్రసాద్‌తో కలిసి ఈయన హీరోగా నటించిన 3 మంకీస్ సినిమా ట్రైలర్ లాంఛ్ జరిగింది. అక్కడే కొన్ని ఆసక్తికరమైన విషయాలు చెప్పాడు గెటప్ శ్రీను.

నాగబాబు తిరిగి జబర్దస్త్ లోకి వస్తే బాగుంటుందని.. రావాలనే కోరుకుంటున్నామని చెప్పాడు. ఆయన వచ్చే సూచనలు కూడా ఉన్నాయని క్లారిటీ ఇచ్చాడు. అయితే అదెప్పుడు అనేది మాత్రం చెప్పలేదు. ఒకవేళ నాగబాబు రీ ఎంట్రీ ఇస్తే మాత్రం ఆయన్నే నమ్ముకుని వెళ్లిన చంద్ర, ఆర్పీ లాంటి కమెడియన్ల పరిస్థితి ఏంటనేది మాత్రం అగమ్యగోచరంగా మారింది. దానికితోడు అదిరింది షోను డిజైన్ చేసిందే జబర్దస్త్ మాజీ దర్శకులు నితిన్ భరత్. మరి వాళ్ల కోసమే బయటికి వెళ్లిన నాగబాబు.. వాళ్లను వదిలేసి ఇప్పుడు మళ్లీ జబర్దస్త్ షోకు వస్తాడా..? దీనికి సమాధానాలు మాత్రం త్వరలోనే వస్తాయి. అప్పటి వరకు ఈ సస్పెన్స్ తప్పదు.